រាជធានីភ្នំពេញ ៖ ទីតាំងសិប្បកម្មផលិតទឹកសៀងមួយកន្លែង ស្ថិតតាមបណ្ដោយផ្លូវប៉េតុង ក្នុងក្រុមទី៧ ភូមិឬស្សី៣ សង្កាត់ស្ទឹងមានជ័យទី២ ខណ្ឌមានជ័យ ដែលអាជ្ញាធរខណ្ឌមានជ័យ ទុករយៈពេលឲ្យ៥ថ្ងៃក្នុងការរើរសម្ភារផលិតចេញពីទីតាំងដោយខ្លួនឯង…
រាជធានីភ្នំពេញ ៖ ទីតាំងសិប្បកម្មផលិតទឹកសៀងមួយកន្លែង ស្ថិតតាមបណ្ដោយផ្លូវប៉េតុង ក្នុងក្រុមទី៧ ភូមិឬស្សី៣ សង្កាត់ស្ទឹងមានជ័យទី២ ខណ្ឌមានជ័យ ដែលអាជ្ញាធរខណ្ឌមានជ័យ ទុករយៈពេលឲ្យ៥ថ្ងៃក្នុងការរើរសម្ភារផលិតចេញពីទីតាំងដោយខ្លួនឯង បន្ទាប់ពីមានផលប៉ះពាល់ដល់ពលរដ្ឋនោះ នៅវេលាព្រឹកថ្ងៃទី២៧ ខែមេសា ឆ្នាំ២០១៨ នេះ កម្លាំងអាជ្ញាធរខណ្ឌដឹកនាំដោយ លោក ឌី រ័ត្នខេមរុណ បានចុះរឹបអូសយកសម្ភារទាំងស្រុង ដែលមាននៅក្នុងសិប្បកម្មមួយនេះ យកទៅរក្សាទុកនៅសាលាខណ្ឌ ក្រោយម្ចាស់ទីតាំងមិនគោរពការកិច្ចសន្យា និងការណែនាំ ។
លោក ឌី រ័ត្នខេមរុណ អភិបាលរងខណ្ឌមានជ័យ ឲ្យដឹងថា ការចុះរឹបអូសសម្ភារ នៃសង្វាក់ផលិតកម្មក្នុងទីតាំងផលិតទឹកសៀងខាងលើនេះ គឺធ្វើឡើង បន្ទាប់អាជ្ញាធរធ្លាប់បានចុះណែនាំធ្វើកិច្ចសន្យាជាមួយម្ចាស់ទីតាំងចំនួន២លើកកន្លងមកហើយ ដោយតម្រូវឲ្យម្ចាស់ទីតាំងត្រូវបញ្ចប់អាជីវកម្មរបស់ខ្លួន ឬត្រូវផ្លាស់ប្តូរទីតាំងចេញពីតំបន់ខាងលើទៅកន្លែងផ្សេង ដោយសារមានផលប៉ះពាល់ច្រើនដល់ការរស់នៅរបស់បងប្អូនប្រជាពលរដ្ឋជិតខាង ។ ក្រោយការរឹបអូសសម្ភារជាច្រើននៃទីតាំងខាងលើ ត្រូវដឹកយកទៅរក្សាទុកនៅសាលាខណ្ឌមានជ័យ រង់ចាំមានវិធានការបន្តនៅថ្ងៃខាងមុខ ៕
ចែករំលែកព័តមាននេះ