រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការចុះបង្ក្រាបនូវទីតាំងសិប្បកម្មលីងកាហ្វេអត់យីហោមួយកន្លែង ដែលសង្ស័យមានលាយសារធាតុគីមី ដែលប្រតិបត្តិការនេះ ធ្វើឡើងតាំងពីវេលាម៉ោង០៩ និង៣០នាទីព្រឹក រហូតដល់ម៉ោង១រសៀល (នៅមិនទាន់បញ្ចប់)…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការចុះបង្ក្រាបនូវទីតាំងសិប្បកម្មលីងកាហ្វេអត់យីហោមួយកន្លែង ដែលសង្ស័យមានលាយសារធាតុគីមី ដែលប្រតិបត្តិការនេះ ធ្វើឡើងតាំងពីវេលាម៉ោង០៩ និង៣០នាទីព្រឹក រហូតដល់ម៉ោង១រសៀល (នៅមិនទាន់បញ្ចប់) ថ្ងៃទី២៧ មេសា នេះ ស្ថិតត្រង់ចំណុចភូមិឌួង ក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។
ក្នុងប្រតិបត្តិការនេះ ធ្វើឡើងដោយគណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពក្រសួងមហាផ្ទៃ ដែលចូលរួមដោយលោកឧត្តមសេនីយ៍ត្រី ទូច យុទ្ធា អនុប្រធានលេខាធិការដ្ឋាន, លោកឧត្តមសេនីយ៍ត្រី ខាន់ លីណា អនុប្រធានលេខាធិការដ្ឋាន, លោកវរសេនីយ៍ឯក ឈិន គឹមធុយ អធិការខណ្ឌព្រែកព្នៅ, លោក ឈាវ ស៊ីវុត្ថា ក្រឡាបញ្ជី, លោក គង់ វុទ្ធី តំណាងកាំកុងត្រូល ព្រមទាំងលោក ងិន ពេជ ព្រះរាជអាជ្ញារងអមសាលាដំបូងរាជធានីភ្នំពេញ។
សេចក្តីរាយការណ៍បន្តថា ការបង្ក្រាបនេះ ត្រូវកម្លាំងរកឃើញវត្ថុធាតុដើមដែលមានសារធាតុគីមីសរុបជាង៧តោនឯណោះ សម្រាប់ផលិតលាយជាកាហ្វេ ក្នុងនោះ មានសណ្តែកសៀង, ពោត, ប៊័រ, ប្រេង និងសារធាតុគីមីផ្សេងៗទៀត ។ល។
កម្លាំងបានធ្វើការឃាត់ខ្លួនមនុស្ស២នាក់ ម្នាក់ឈ្មោះ ចៅ គន្ធា ភេទស្រី អាយុ៥៦ឆ្នាំ ជាម្ចាស់សិប្បកម្ម និងម្នាក់ទៀតឈ្មោះ សឿង ស្រីណា ភេទស្រី អាយុ២៦ឆ្នាំ ជាអ្នកលីងកាហ្វេ ដើម្បីធ្វើការសាកសួរបន្ត ។
ព័ត៌មានលម្អិតនឹងមានផ្សាយជូនលើទំព័រកាសែតកោះសន្តិភាព។
ចែករំលែកព័តមាននេះ