BBC ផ្សាយថានារីអ្នកដំណើរលើយន្តហោះម្នាក់ដែលធ្វើដំណើរតាមជើងហោះហើររបស់ក្រុមហ៊ុនអាកាសចរណ៍ Deltaពីក្រុងប៉ារីសទៅសហរដ្ឋអាមេរិកបានរងការផាកពិន័យពីពន្ធគយអាមេរិកក្នុងទឹកប្រាក់៥០០ដុល្លារ ក្រោយពីឆែកឃើញប៉ោមមួយផ្លែនៅអាកាសយានដ្ឋានក្នុងក្រុងMinneapolis រដ្ឋមីនីសូតា ។
លោកស្រីCrystal Tadlock អ្នកដំណើរ រូបនោះបង្ហើបឲ្យដឹងថា ខ្លួនបានផ្លែប៉ោមមួយនេះពីនារីបម្រើលើយន្តហោះរបស់ក្រុមហ៊ុនអាកាសចរណ៍ Delta ជាអាហារសម្រន់ ប៉ុន្តែមិនទាន់ទទួលទានក៏ទុកនៅក្នុងវ៉ាលីស ខណៈពេលផ្នែកពន្ធគយបានបដិសេធផ្ដល់ការយល់ឃើញពីរឿងនេះ គ្រាន់តែបញ្ជាក់ថា ផ្លែឈើ និងផលិតផលកសិកម្ម គឺជាសម្ភារត្រូវបង្ហាញក្នុងពេលឆ្លងកាត់គយ ។
ប្រភពដដែលបញ្ជាក់ទៀតថា ផ្លែប៉ោមនោះបានច្រកនៅក្នុងថង់ប្លាស្ទិករបស់ក្រុមហ៊ុនអាកាសចរណ៍Delta ហើយលោកស្រីCrystal Tadlockមិនបានយកចេញពីថង់ទេ ដោយដាក់នៅក្នុងវ៉ាលីសសម្រាប់ទទួលទាននៅពេលធ្វើដំណើរបន្តទៅក្រុងដេនវើរដ្ឋកូឡូរ៉ាដូ ។ នៅពេលគយឆែកឃើញលោកស្រីបានប្រាប់អាជ្ញាធរថាគាត់បានប៉ោមមួយផ្លែនេះពីក្រុមហ៊ុនអាកាសចរណ៍ ដូច្នេះចង់សួរទៅអាជ្ញាធរថាខ្លួនគួរបោះចោលឬទទួលទានជំនួសការពិន័យជាប្រាក់៥០០ដុល្លារ ៕
ចែករំលែកព័តមាននេះ