រាជធានីភ្នំពេញ ៖ សម្តេចអគ្គមហាសេនាបតីតេជោហ៊ុន សែន បានដឹកនាំគណប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ានលើកទី៣២ ដែលនឹងប្រព្រឹត្តទៅពីរថ្ងៃទី២៧ដល់ថ្ងៃទី២៨ ខែមេសា ឆ្នាំ២០១៨ នៅប្រទេសសឹង្ហបូរី តាមអកាសយានពិសេសរបស់ព្រះរាជាណាចក្រកម្ពុជានៅព្រឹកថ្ងៃទី២៧…
រាជធានីភ្នំពេញ ៖ សម្តេចអគ្គមហាសេនាបតីតេជោហ៊ុន សែន បានដឹកនាំគណប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ានលើកទី៣២ ដែលនឹងប្រព្រឹត្តទៅពីរថ្ងៃទី២៧ដល់ថ្ងៃទី២៨ ខែមេសា ឆ្នាំ២០១៨ នៅប្រទេសសឹង្ហបូរី តាមអកាសយានពិសេសរបស់ព្រះរាជាណាចក្រកម្ពុជានៅព្រឹកថ្ងៃទី២៧ ខែមេសា ឆ្នាំ២០១៨ ។
មុនចេញដំណើរលោកស្រី ថាមរុង្គ រដ្ឋមន្ត្រីប្រតិភូអមនាយករដ្ឋមន្ត្រីបានប្រាប់ឲ្យដឹងថា នៅល្ងាចថ្ងៃទី២៧នេះនឹងមានអាហារពេលល្ងាច ហើយបន្តការងារដោយកិច្ចសម័យពេញអង្គនៃកិច្ចប្រជុំកំពូល ។ បន្ទាប់មកនៅថ្ងៃទី២៨ និងមានការបើកជាផ្លូវការ និងមានទស្សនកិច្ចផ្លូវការនូវពិពណ៌ស្មាតស៊ីធីរបស់ប្រទេសសឹង្ហបូរីដែលបង្ហាញពីការជឿនលឿននៃបច្ចេកវិទ្យាឌីជីថលនៅសឹង្ហបូរី ហើយនឹងការប្រើប្រាស់ប្រព័ន្ធគ្រប់គ្រងទិន្នន័យក្នុងការទប់ស្កាត់ការឆរបោក អំពើឧក្រិដ្ឋកម្មផ្សេងៗ ហើយនឹងការប្រើប្រាស់ស្មាតហ្វូនជាកាបូបលុយ ដែលគោលដៅទៅអនាគត គឺចង់ឲ្យប្រទេសអាស៊ានរីកលូតលាស់ក្នុងការអនុវត្តដូច្នេះ ។
បន្ទាប់មកលោកនាយករដ្ឋមន្ត្រី លីសៀន ឡុង នឹងរៀបចំអហារថ្ងៃត្រង់ជូនប្រមុខរដ្ឋ ប្រមុខរដ្ឋាភិបាលដែលអញ្ជើញចូលរួមក្នុងកិច្ចប្រជុំកំពូលអាស៊ានលើកទី៣២នេះ ។ បន្ទាប់មកសម្តេចតេជោនាយករដ្ឋមន្ត្រី និងគណៈប្រតិភូនឹងធ្វើមាតុភូមិនិវត្តន៍វិញនារសៀលថ្ងៃទី២៨ ខែមេសា ឆ្នាំ២០១៨ ៕
ចែករំលែកព័តមាននេះ