ថ្ងៃនេះជាថ្ងៃដែលពិសេសបំផុតរបស់អេនជី ពិតជារំភើបណាស់
- ភ្នំពេញ
រាជធានីភ្នំពេញ ៖ តារាចម្រៀងផលិតកម្មសាន់ដេ កញ្ញាអេន ជី បញ្ចប់ភាពនៅលីវនាថ្ងៃទី២៧ ខែមេសា ឆ្នាំ២០១៨នេះហើយ ដោយនាងរៀបការជាមួយកូនកំលោះជាអ្នកជំនួញវ័យក្មេង ។…
រាជធានីភ្នំពេញ ៖ តារាចម្រៀងផលិតកម្មសាន់ដេ កញ្ញាអេន ជី បញ្ចប់ភាពនៅលីវនាថ្ងៃទី២៧ ខែមេសា ឆ្នាំ២០១៨នេះហើយ ដោយនាងរៀបការជាមួយកូនកំលោះជាអ្នកជំនួញវ័យក្មេង ។
ពិធីមង្គលការរបស់អតីតតារាចម្រៀងស្រគត់ស្រគំរូបនេះរៀបចំឡើងនៅសណ្ឋាគារលំដាប់ផ្កាយ ក្នុងរាជធានីភ្នំពេញ ដោយអាចនឹងចំណាយលុយរាប់ម៉ឺនដុល្លារ ។
ទាំងអនាគតស្វាមី និងអេន ជី ផ្ទាល់កំពុងតែមមាញឹកចាត់ចែងរៀបចំពិធីមង្គលការរបស់ពួកគេយ៉ាងហ៊ឹកហាក់មិនចាញ់មង្គលការអ្នកសិល្បៈផ្សេងទៀតឡើយ ។
ពីធីជប់លៀងភ្ញៀវពេលល្ងាចនៃពិធីមង្គលការរបស់អេន ជី ធ្វើឡើងនៅថ្ងៃទី២៧ ខែមេសា ក្នុងសណ្ឋាគារសុខាអូតែល មាត់ទន្លេ ដោយអញ្ជើញភ្ញៀវចូលរួមប្រមាណជាង៧០តុ ក្នុងនោះគេរំពឹងថានឹងមានសិល្បករច្រើនចូលរួម ។
អេនជី ធ្លាប់ជាតារាចម្រៀងដែលមានឈ្មោះបោះសំឡេងគួរសមនៅក្នុងស្រទាប់យុវវ័យ តែក្រោយមកនាងបានចាកចេញពីការងារនេះ ហើយងាកទៅរកអាជីពជំនួញវិញក្រោយពីនាងបានសាងស្នេហ៍ជាមួយអ្នកជំនួញដែលជាប្អូនប្រុសម្ចាស់ហាងលក់សម្លៀកបំពាក់ រ៉ាយុទ្ធកាលពីអំឡុងឆ្នាំ២០១៦ ។
បើទោះបីជាតារាចម្រៀងអេនជីចេញឆ្ងាយពីអាជីពចម្រៀងក៏ដោយ ប៉ុន្តែជា រឿយៗ នាងតែងតែបង្ហាញភាពហ៊ឺហាររបស់ខ្លួនដដែលតាមរយៈការស្នាក់នៅផ្ទះវីឡាតម្លៃរាប់ម៉ឺនដុល្លារ និងប្រើប្រាស់រថយន្តស៊េរី ទំនើបៗ មិនចាញ់តារាចម្រៀង ល្បីៗនៅក្នុងស្រុកឡើយ ។
ក្រោយពីភ្ជាប់ពាក្យ និងកៀកដល់ថ្ងៃរៀបការ តារាចម្រៀងអេនជី និងគូដណ្តឹង កាន់តែបង្ហាញភាពផ្អែមល្ហែមជាងមុន ហើយជា រឿយៗនាងតែងតែបង្ហាញពីទឹកចិត្តចំពោះគូដណ្តឹងរបស់ខ្លួន ។
ជាក់ស្តែងកាលពីពេល ថ្មីៗកន្លងមក អេនជី បានបង្ហោះសារប្រាប់មហាជនពាក់ព័ន្ធទៅនឹងអនាគតស្វាមីរបស់នាងថា «គូជីវិតគឺត្រូវការផ្តល់កិត្តិយសឲ្យគ្នា ជឿជាក់គ្នា ទុកចិត្តគ្នាយល់ចិត្តគ្នា ស្មោះត្រង់ និងការអត់ឱនឲ្យគ្នាទៅវិញទៅមក តែមិនសំខាន់លើការនិយាយនោះទេ សំខាន់គឺលើអំពើពិតប្រាកដ ទើបវាអាចបង្ហាញនូវសេចក្តីស្រឡាញ់ពិតថា គេស្រឡាញ់យើងប៉ុនណា ។ សម្រាប់ពួកខ្ញុំមានរឿងរ៉ាវច្រើនរាប់មិនអស់នោះទេ ហើយគាត់ជាមនុស្សប្រុសម្នាក់ដែលមិនចេះនិយាយ Sweet តែគាត់ចូលចិត្តបង្ហាញនូវអំពើ ខ្ញុំចង់បានបែបនេះ ។ គាត់បានប្រាប់ខ្ញុំថាមិនថាមានរឿងអ្វីក៏ដោយបងនឹងកាន់ដៃអូន និងនៅក្បែរអូនរហូតទោះអូនមិនមែនជាមនុស្សដំបូង តែអូនជាមនុស្សចុងក្រោយបង ពីរនាក់បានហើយ ពួកយើងនឹងរក្សាចំណងនេះរហូត» ៕
ចែករំលែកព័តមាននេះ