រាជធានីភ្នំពេញ ៖ យុវជនម្នាក់បានស្លាប់ភ្លាមៗយ៉ាងអាណោចអាធ័មនៅក្នុងហេតុការណ៍គ្រោះថ្នាក់ចរាចរណ៍ ដោយជិះកង់ប៉ះដៃចង្កូតម៉ូតូដួលត្រូវរថយន្តកិនកាលពីវេលាម៉ោង៦និង១៥នាទីល្ងាចថ្ងៃទី២៧ មករា ២០១៣ នៅលើកំណាត់ផ្លូវព្រះសីហនុ ស្ថិតក្នុងសង្កាត់បឹងកេងកងទី ១ ខណ្ឌចំការមន។
យុវជនដែលស្លាប់ក្នុងឧប្បត្តិហេតុគ្រោះថ្នាក់ចរាចរណ៍ខាងលើនេះឈ្មោះផេង ស៊ុនហាប់ អាយុ១៧ឆ្នាំ មានទីលំនៅក្នុងសង្កាត់បឹងកេងកងទី២ ខណ្ឌចំការមន ។ មុនពេលកើតហេតុយុវជនរងគ្រោះបានជិះកង់ធ្វើដំណើរតែម្នាក់ឯងតាមបណ្តោយផ្លូវព្រះសីហនុ ក្នុងទិសដៅពីកើតទៅលិចបញ្ច្រាសទិស ខណៈនោះក៏បានប៉ះដៃចង្កូតជាមួយអ្នកជិះម៉ូតូ បណ្តាលឱ្យដួលកង់បោកខ្លួនទៅលើដងផ្លូវ ហើយត្រូវរថយន្តឡិចស៊ីស RX300 ពណ៌ស បើកដោយស្ត្រីម្នាក់ឈ្មោះស្រេង គីមកូយ អាយុ៣៤ឆ្នាំ ដែលធ្វើដំណើរតាមផ្លូវព្រះសីហនុ ក្នុងទិសដៅពីលិចទៅកើតកិនក្បាលបែកស្លាប់ភ្លាមៗនៅលើដងផ្លូវយ៉ាងអាណោចអាធ័មបំផុត ៕
ចែករំលែកព័តមាននេះ