កិច្ចព្រមព្រៀងនុយក្លេអ៊ែរអ៊ីរ៉ង់លោកត្រាំ និងសមភាគីបារាំង
សហរដ្ឋអាមេរិក-ប្រទេសបារាំង ៖ ប្រធានាធិបតីបារាំង លោក EMMANUEL MACRON កាលពីថ្ងៃទី២៤ មេសា បានព្រមព្រៀងគ្នាជាមួយសមភាគីអាមេរិក លោកដូណាល់…
សហរដ្ឋអាមេរិក-ប្រទេសបារាំង ៖ ប្រធានាធិបតីបារាំង លោក EMMANUEL MACRON កាលពីថ្ងៃទី២៤ មេសា បានព្រមព្រៀងគ្នាជាមួយសមភាគីអាមេរិក លោកដូណាល់…
សហរដ្ឋអាមេរិក-ប្រទេសបារាំង ៖ ប្រធានាធិបតីបារាំង លោក EMMANUEL MACRON កាលពីថ្ងៃទី២៤ មេសា បានព្រមព្រៀងគ្នាជាមួយសមភាគីអាមេរិក លោកដូណាល់ ត្រាំ លើការខិតខំប្រឹងប្រែងនានាដែលត្រូវធ្វើ ដើម្បីឱ្យសម្រេចបានកិច្ចព្រមព្រៀងថ្មីស្តី
ពីកម្មវិធីនុយក្លេអ៊ែរអ៊ីរ៉ង់ ក៏ប៉ុន្តែការខ្វែងគំនិតគ្នានៅតែមាន ខណៈទស្សនកិច្ចផ្លូវរដ្ឋរបស់លោក MACRON នៅសហរដ្ឋអាេមរិកបានបញ្ចប់ ។
ខណៈលោកត្រាំ កំណត់ថ្ងៃទី១២ ឧសភា ជាថ្ងៃចុងក្រោយសម្រាប់ធ្វើការសម្រេចរបស់លោកលើសំណុំរឿងនេះ ប្រធានាធិបតីបារាំងនាថ្ងៃទី២៤ មេសា ស្នើធ្វើការជាមួយរុស្ស៊ី និងតួកគីប៉ុនប៉ងឱ្យសម្រេចបានការចុះហត្ថលេខាលើកិច្ចព្រមព្រៀងថ្មីជាមួយអ៊ីរ៉ង់ ។
ក្នុងសន្និសីទសារព័ត៌មានរួមមួយជាមួយលោកត្រាំ លោក MACRON គូសបញ្ជាក់ថា កិច្ចព្រមព្រៀងថ្មីជាយថាហេតុជាមួយអ៊ីរ៉ង់នឹងផ្តោតលើទិសដៅ៤គឺ រារាំងរាល់សកម្មភាពនុយក្លេអ៊ែរអ៊ីរ៉ង់រហូតដល់ឆ្នាំ២០២៥ ទទួលការធានាថា អ៊ីរ៉ង់នឹងពុំធ្វើសកម្មភាពនុយក្លេអ៊ែរណាមួយរយៈពេលយូរ បញ្ចប់សកម្មភាពបាលីស្ទិកអ៊ីរ៉ង់នៅមជ្ឈិមបូព៌ា ហើយបង្កើតបណ្តាលក្ខខណ្ឌសម្រាប់ដំណោះស្រាយនយោបាយដែលអាចទប់ឥទ្ធិពលអ៊ីរ៉ង់ក្នុងតំបន់ ។
ចំណែកប្រធានាធិបតីអ៊ីរ៉ង់ លោកហាសាន់រូហានី កាលពីថ្ងៃទី២៥ មេសា បានបដិសេធរាល់ការផ្លាស់ប្តូរកិច្ចព្រមព្រៀងស្តីពីនុយក្លេអ៊ែរអ៊ីរ៉ង់ដែលចុះហត្ថលេខាកាលពីឆ្នាំ២០១៥ ។ សហរដ្ឋអាមេរិកជាភាគីតែមួយគត់ដែលគំរាមដកខ្លួនថយចេញពីកិច្ចព្រមព្រៀងនេះ ៕
ចែករំលែកព័តមាននេះ