រាជធានីភ្នំពេញ ៖ រដ្ឋមន្ត្រីក្រសួងមហាផ្ទៃសម្តេចក្រឡាហោម ស ខេង បានចេញលិខិតមួយជូនដល់គណៈអភិបាលរាជធានី-ខេត្ត កាលពីថ្ងៃទី២៥ ខែមេសានេះ បានជ្រាបថា គណៈកម្មាធិការជាតិរៀបចំការបោះឆ្នោត នឹងចាប់ផ្តើមចុះបញ្ជីគណៈបក្សនយោបាយ និងបេក្ខជនឈរឈ្មោះបោះឆ្នោត នឹងជ្រើសតាំងតំណាងរាស្ត្រនិតិកាលទី៦ ឆ្នាំ២០១៨ ចាប់ពីថ្ងៃទី៣០ ខែមេសានេះ ដល់ថ្ងៃទី១៤ ខែឧសភា ឆ្នាំ២០១៨ ។
ហេតុនេះសូមឲ្យក្រសួងមហាផ្ទៃស្នើឲ្យរាជធានី-ខេត្តធ្វើការណែនាំដល់អាជ្ញាធរ ឃុំសង្កាត់ជួយសម្របសម្រួល បង្កលក្ខណៈងាយស្រួលក្នុងការចេញលិខិតបញ្ជាក់ផ្សេងៗជូនបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្ររបស់គណបក្សនយោបាយដែលចុះបញ្ជីត្រឹមត្រូវតាមច្បាប់យកទៅប្រើប្រាស់ចុះបញ្ជីគណបក្សនយោបាយ និងបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨ ស្របតាមច្បាប់បោះឆ្នោត បទបញ្ជា និងនីតិវិធីសម្រាប់ការបោះឆ្នោតលើកនេះ ។
បញ្ជាក់ ៖ យោងតាមលិខិតរបស់ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានចេញសេចក្តីក្រោយពី លោកពេជ្រ ស្រស់បានស្នើមួយថ្ងៃរហូតដល់ថ្ងៃទី២៥ ខែមេសានេះ ។
មួយថ្ងៃដែលប្រធានគណៈបក្សយុវជនកម្ពុជា លោកពេជ្រ ស្រស់បានស្នើឲ្យសម្តេចក្រឡាហោម ស ខេងឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ជួយពិនិត្យឡើងវិញចំពោះកិច្ចការងារ មេឃុំ ចៅសង្កាត់ របស់គណបក្សប្រជាជនកម្ពុជា ដែលកំពុងធ្វើទុក្ខបុកម្និញដល់ភ្នាក់ងារគណបក្សនយោបាយ ដែលយកលិខិតបញ្ជាក់បេក្ខជនឈរបោះបោះឆ្នោតជ្រើសរើស សមាជិករដ្ឋ
សភាជាតិដោយមានការរើសអើងពីមេឃុំ និងចៅសង្កាត់យ៉ាងខ្លាំង ៕
ចែករំលែកព័តមាននេះ