រាជធានីភ្នំពេញ ៖ ដោយមានការវិវត្តឆ្ពោះទៅមុខ ក្រុមហ៊ុន NISSAN សូមធ្វើការណែនាំប្រព័ន្ធបម្លាស់ទីឆ្លាតវៃ NISSAN ដែលបានបង្កើតឡើង ដើម្បីជួយកាត់បន្ថយអារម្មណ៍តានតឹងរបស់អ្នកបើកបរនៅពេលពួកគាត់កំពុងបញ្ជាចង្កូតរថយន្ត ដោយមានប្រតិកម្មទៅនឹងកត្តា និងលក្ខខណ្ឌខាងក្រៅរថយន្តដោយស្វ័យប្រវត្តិ។ ប្រព័ន្ធនេះមានសមាសភាគផ្សេងៗគ្នានូវលក្ខណៈបច្ចេកវិទ្យាកម្រិតខ្ពស់ពិសេស ដែលបានរចនាឡើងដើម្បីរក្សាសុវត្ថិភាព និងបង្កើនអារម្មណ៍ងាយស្រួលសម្រាប់អ្នកបើកបរ និងអ្នកដំណើរនៅពេលកំពុងធ្វើដំណើរនៅលើដងផ្លូវ។
Intelligent Forward Collision Warning
ប្រព័ន្ធព្រមានការប៉ះទង្គិចខាងមុខឆ្លាតវៃ មិនគ្រាន់តែរក្សាការតាមដានលើរថយន្តនៅខាងមុខប៉ុណ្ណោះទេ ប៉ុន្តែក៏ជួយមើលទៅមុខលើរថយន្តខាងមុខបានរហូតដល់ពីរគ្រឿងដើម្បីប្រាប់ឲ្យអ្នកបានដឹងកាន់តែច្បាស់អំពីអ្វីដែលមាននៅលើផ្លូវខាងមុខ ព្រមទាំងជួយប្រាប់អ្នកនៅពេលដែលគួរបន្ថយល្បឿន ទោះបីជាអ្នកមិនទាន់អាចមើលឃើញច្បាស់ថា ចរាចរណ៍ខាងមុខកំពុងតែបន្ថយល្បឿន ឬឈប់ក៏ដោយ។
Intelligent Blind Spot Warning & Intervention
ប្រព័ន្ធព្រមានវត្ថុមើលមិនឃើញឆ្លាតវៃ និងអន្តរាគមន៍ បន្ទាប់មកព្រមានដល់អ្នកដោយប្រើសញ្ញាបង្ហាញនៅក្នុងទ្វាររបស់អ្នកបើកបរ ឬអ្នកដំណើរដើម្បីឲ្យអ្នកដឹងថា តើវាស្ថិតនៅចំហៀងខាងណា។ ការព្រមាននេះក៏បង្ហាញនៅលើផ្ទះបង្ហាញជំនួយការបើកបរទំនើបផងដែរ។ ប្រសិនបើអ្នកបើកសញ្ញាស៊ីញ៉ូ ហើយមានវត្ថុមើលមិនឃើញនៅខាងមុខ សញ្ហាបង្ហាញនេះនឹងចេញភ្លើង និងបន្លឺសំឡេងព្រមានឲ្យអ្នកបានដឹង។
Intelligent Lane Departure Warning & Lane Departure Prevention
ប្រព័ន្ធព្រមានពេលចេញដំណើរពីគន្លង & ការពារការចេញដំណើរពីគន្លងឆា្លតវៃ ត្រូវបានរចនាឡើងដើម្បីធានាថាអ្នកស្ថិតនៅក្នុងគន្លងរបស់អ្នក ហើយប្រសិនបើអ្នកបម្រុងនឹងប្ដូរទៅកាន់គន្លងដែលអ្នកចង់បើកបរ នោះប្រព័ន្ធនឹងផ្ដល់សញ្ញាព្រមាននៅលើផ្ទាំងអេក្រង់ខាងមុនអ្នក ហើយក៏ផ្ដល់សញ្ញាព្រមានជាសំឡេងផងដែរ។ ប្រព័ន្ធការពារ ការចេញដំណើរពីគន្លង ក៏នឹងជួយរក្សាឲ្យអ្នកស្ថិតនៅក្នុងគន្លងរបស់អ្នកផងដែរ ប្រសិនបើអ្នកមិនចាត់ចំណាត់ការកែតម្រូវទេនោះ។ ប្រព័ន្ធនឹងជំរុញ និងជួយណែនាំឲ្យអ្នកបន្តស្ថិតនៅគន្លងចាស់របស់អ្នកដដែល។
Intelligent Around View Monitor
ប្រព័ន្ធតាមដានទិដ្ឋភាពជុំវិញឆ្លាតវៃ ផ្ដល់ទិដ្ឋភាពមើលជុំវិញរថយន្ត ដើម្បីឲ្យអ្នកអាចដឹងថា តើមានអ្វីខ្លះកំពុងកើតឡើងនៅគ្រប់ជ្រុងទាំងអស់របស់រថយន្ត។ មុខងារនេះប្រើប្រព័ន្ធដែលមានកាមេរ៉ាបួនគ្រឿង ដើម្បីផ្ដល់រូបភាពពីខាងលើ 360 ដឺក្រេពេញលេញនៅជុំវិញរថយន្តរបស់អ្នក ដូច្នេះអ្នកអាចមើលឃើញអ្វីៗនៅគ្រប់ជ្រុងទាំងអស់ មុនពេលធ្វើអាចចាប់ផ្ដើមធ្វើដំណើរទៅមុខ។ ប្រព័ន្ធនេះក៏ដំណើរការជាមួយនឹងប្រព័ន្ធឆ្លាតវៃផ្សេងទៀតដែលបានបំពាក់នៅក្នុងរថយន្តផងដែរ ដើម្បី
Moving Object Detection
ប្រព័ន្ធចាប់វត្ថុកំពុងមានចលនាពឹងផ្អែកលើកាមេរ៉ាពីម៉ូនីទ័រមើលជុំវិញ ហើយនឹងប្រាប់ឲ្យអ្នកដឹង ប្រសិនបើវាចាប់បាននូវអ្វីដែលកំពុងមានចលនាដោយផ្ទាល់ពីខាងក្រោយអ្នក។ បន្ទាប់មក ប្រព័ន្ធនេះនឹងប្រាប់សញ្ញាព្រមានទាំងជារូបភាព និងសំឡេង ដើម្បីឲ្យអ្នកបានដឹងប្រសិនបើអ្នកដាក់រថយន្តរបស់អ្នកក្នុងទិសដៅបញ្ច្រាស់ទិស។
Intelligent Cruise Control
ប្រព័ន្ធត្រួតពិនិត្យការប៉ះទង្គិចឆ្លាតវៃ ជួយឲ្យអ្នកអាចកំណត់ចម្ងាយនៅចន្លោះរវាងអ្នក និងរថយន្តនៅខាងមុខអ្នក ហើយមិនដូចនឹងប្រព័ន្ធផ្សេងទៀតឡើយ ដែលគ្រាន់តែរក្សាល្បឿនជាក់លាក់ រថយន្តនឹងសម្រួលល្បឿនដោយខ្លួនឯងដើម្បីរក្សាឲ្យរថយន្តរបស់អ្នកស្ថិតនៅក្នុងរង្វង់ចម្ងាយនេះ ទោះបីជាចរាចរត្រូវបន្ថយល្បឿន ឬច្បាប់ផ្ដើមកបង្កើនល្បឿនវិញក៏ដោយ។
ចែករំលែកព័តមាននេះ