ការក្អកគឺជាអាការញឹកញាប់មួយដែលកើតឡើងលើកូនក្មេង ។ ការក្អកអាចស្តាប់មើល ទៅធ្ងន់ណាស់ ប៉ុន្តែវាច្រើនតែមិនមែនជាសញ្ញានៃជំងឺធ្ងន់ឡើយ ។ តាមពិតទៅការក្អកគឺជារឿងមានសុខភាពល្អ ហើយក៏ជាការរេផ្លិចដ៏សំខាន់មួយក្នុងការជួយការពារផ្លូវ ដង្ហើមក្នុងបំពង់ក និងទ្រូងដែរ…
ការក្អកគឺជាអាការញឹកញាប់មួយដែលកើតឡើងលើកូនក្មេង ។ ការក្អកអាចស្តាប់មើល ទៅធ្ងន់ណាស់ ប៉ុន្តែវាច្រើនតែមិនមែនជាសញ្ញានៃជំងឺធ្ងន់ឡើយ ។ តាមពិតទៅការក្អកគឺជារឿងមានសុខភាពល្អ ហើយក៏ជាការរេផ្លិចដ៏សំខាន់មួយក្នុងការជួយការពារផ្លូវ ដង្ហើមក្នុងបំពង់ក និងទ្រូងដែរ ។
តើការក្អកមានលក្ខណៈ ខុសៗគ្នាដូចម្តេចខ្លះទៅ?
ពេលខ្លះការក្អកត្រូវការគ្រូពេទ្យព្យាបាល ។ ការយល់ដឹងអំពីប្រភេទ ខុសៗគ្នានៃការក្អកអាចជួយអ្នកយល់ដឹងថា គួរដោះស្រាយវាដូចម្តេចនៅផ្ទះ និងពេលណាដែលត្រូវទាក់ទងពេទ្យ។ ការក្អកញឹកញាប់បំផុតនោះមានដូចជា៖
Barky Cough
វាគឺជាការក្អកមួយប្រភេទបង្កឡើងដោយការហើមផ្លូវដង្ហើមខាងលើ ។ ភាគច្រើនការក្អកនេះ មកពីការហើមនៅបំពង់សំឡេង និងបំពង់ខ្យល់ដកដង្ហើម ។ ក្មេង តូចៗគឺមានផ្លូវដង្ហើមតូចដែលអាចនឹងពិបាកដកដង្ហើមបើសិនជាវាហើមហើយ ។ ក្មេង ធំៗអាយុច្រើនជាង៣ឆ្នាំភាគច្រើនប្រឈមនឹងការក្អកនេះណាស់ ដោយសារតែផ្លូវដង្ហើមរួមតូច។ ការក្អកនេះអាចនឹងមានសម្លេងស្អកផងដែរ នៅពេលដកដង្ហើមចូល ។
ការក្អកមាន់
វាគឺជាជំងឺម្យ៉ាងដែលខ្មែរយើងហៅថាក្អកមួយ ហើយក៏ជាការបង្ករោគនៅលើផ្លូវដង្ហើមបង្កឡើងដោយបាក់តេរី Boredetella Pertusssis ។ ក្មេងដែលមានជំងឺក្អកមាន់នឹងក្អកខ្លាំងដូចជាមាន់អ៊ីចឹង ។ នៅចុងបញ្ចប់នៃការក្អកម្តងៗ ពួកគេត្រូវដកដង្ហើម ជ្រៅៗ ទើបបង្កើតសំឡេងដូចជាមាន់ ។ រោគសញ្ញា ផ្សេងៗទៀត គឺហៀរសម្បោរ កណ្តាស ក្តៅខ្លួន ស្ទិញៗ និងក្អក តិចៗ។ យ៉ាងណាមិញជំងឺនេះអាចបង្ការបានតាមរយៈការចាក់វ៉ាក់សាំង។
ក្អកមានការដកដង្ហើមលឺដូចហួច
បើសិនជាកូនអ្នកដកដង្ហើមលឺដូចហួចនៅពេលដកដង្ហើមចេញ វាអាចមានន័យថា ផ្លូវដង្ហើមខាងក្រោមក្នុងសួតហើមហើយ ។ រឿងនេះកើតឡើងលើអ្នកជំងឺហឺត ឬអ្នកជំងឺរលាកទងសួតបង្កឡើងដោយវីរុស ។ ការដកដង្ហើមលឺដូចហួច ក៏អាចកើតឡើងនៅពេលមានអ្វីស្ទះក្នុងផ្លូវដង្ហើមខាងក្រោមដែរ ។
ក្អកពេលយប់
ការក្អកច្រើនអាចនឹងធ្ងន់នៅពេលយប់។ នៅពេលក្មេងផ្តាសាយ ជាតិរំអិលចេញពីច្រមុះ និងប្រហោងឆ្អឹងនៅមុខអាចហូរចូលបំពង់ក និងបង្កជាការក្អកនៅពេលគេងបាន ។ រឿងនេះកើតជាបញ្ហាលុះត្រាតែការក្អកមិនអាចឲ្យកូនអ្នកគេងបាន ។ ជំងឺហឺតក៏អាចធ្វើឲ្យក្អកនៅពេលយប់ដែរ ដោយសារតែផ្លូវដង្ហើមងាយនឹងមានបញ្ហា និងរលាកនៅពេលយប់ ។
ការក្អកនៅពេលថ្ងៃ
ខ្យល់ត្រជាក់ ឬសកម្មភាពអាចធ្វើឲ្យការក្អកកាន់តែធ្ងន់នៅពេលថ្ងៃបាន ។ ចូរព្យាយាមប្រាកដថា គ្មានអ្វីក្នុងផ្ទះឡើយដូចជា ផលិតផលបន្សុទ្ធបរិយាកាស សត្វចិញ្ចឹម ឬផ្សែងបារី ព្រោះវានឹងធ្វើឲ្យក្មេងក្អកបាន ។
ក្អកហើយក្តៅខ្លួន
ក្មេងដែលក្អក ក្តៅខ្លួនតិចតួច និងហៀរសម្បោរ ប្រហែលជាមានជំងឺផ្តាសាយហើយ ។ ប៉ុន្តែការក្អកហើយក្តៅខ្លួន៣៩អង្សាទៀត អាចពេលខ្លះដោយសារតែជំងឺរលាកសួត ជាពិសេសក្មេងខ្សោយ ហើយដកដង្ហើមញាប់ទៀត ។ ករណីនេះត្រូវតែទៅជួបពេទ្យជាបន្ទាន់ ។
ក្អកហើយក្អួត
ក្មេងច្រើនតែក្អកខ្លាំងរហូតដល់ទៅជាក្អួតបាន ។ ជាមួយគ្នានេះដែរ ក្មេងដែលក្អកដោយសារតែជំងឺផ្តាសាយ ឬការធ្វើទុក្ខរបស់ជំងឺហឺតប្រហែលជាធ្វើឲ្យក្អួតបានបើសិនជាមានស្លេស្មច្រើនក្នុងក្រពះ និងបង្កជាការចង្អោ ។
ក្អកជាប់
ការក្អកបង្កឡើងដោយជំងឺផ្តាសាយវីរុស អាចមានរយៈពេលច្រើនសប្តាហ៍ ជាពិសេសបើសិនជាកូនមានជំងឺផ្តាសាយក្រោយពីជំងឺអ្វីមួយទៀត ។ ជំងឺហឺត ការអាលែកហ្ស៊ី ឬការបង្ករោគរ៉ាំរ៉ៃក្នុងប្រហោងឆ្អឹងក្នុងមុខ ឬផ្លូវដង្ហើមក៏អាចធ្វើឲ្យក្អកយូរដែរ ។ បើសិនជាកូននៅតែក្អកលើសពី៣សប្តាហ៍ វាគឺជាពេលវេលាដែលត្រូវទៅជួបពេទ្យហើយ ។
តើគួរកំណត់រោគវិនិច្ឆ័យដូចម្តេចទៅ?
បើសិនជាអ្នកបារម្ភអំពីការក្អករបស់កូន ចូរទាក់ទងទៅគ្រូពេទ្យ ។ ដោយយោងទៅតាមប្រភេទនៃការក្អក រោគសញ្ញា ផ្សេងៗទៀត និងរយៈពេលដែលវាកើត គ្រូពេទ្យអាចនឹងត្រូវការជួបក្មេងផ្ទាល់ដែរដើម្បីពិនិត្យ ។ តាមរយៈការស្តាប់សំឡេងក្អកនឹងជួយឲ្យគ្រូពេទ្យសម្រេចចិត្តថាត្រូវព្យាបាល ឬអត់ ។
តើការក្អកព្យាបាលដូចម្តេចទៅ ?
ការក្អកភាគច្រើនបង្កឡើងដោយវីរុស ហើយវាគ្រាន់តែកើតឡើងរយៈពេលខ្លីប៉ុណ្ណោះ។ ពេលខ្លះវានឹងអាចបន្តរហូតដល់២សប្តាហ៍ដែរ។ គ្រូពេទ្យច្រើនតែមិនចេញថ្នាំផ្សះឲ្យប្រើឡើងព្រោះថ្នាំនេះប្រើសម្រាប់ករណីបង្ករោគដោយបាក់តេរីប៉ុណ្ណោះ ។
បើសិនជាការក្អកធ្វើឲ្យកូនគេងលក់ គឺមិនបាច់ប្រើថ្នាំអ្វីទាំងអស់ ។ ការដែលប្រើថ្នាំដោយគ្មានវេជ្ជបញ្ជា ច្រើនជាងមួយមុខ អាចធ្វើឲ្យមានផលរំខានដល់សុខភាពជាងមនុស្សធំទៅទៀត ហើយក៏ទំនងជាអាចប្រើលើសកម្រិតផងដែរ ។ ថ្នាំក្អកមិនត្រូវបានណែនាំឲ្យប្រើលើក្មេងអាយុក្រោម៦ឆ្នាំឡើយ។
តើអាចធ្វើអ្វីបានទៅដើម្បីជួយកូនពីការក្អក?
ដើម្បីជួយកូនដែលក្អកមានអារម្មណ៍ល្អវិញ៖
•ការក្អកប្រភេទ Barky Cough គួរតែឲ្យគេងូតទឹកក្តៅ ឧណ្ហៗ និងបិទបន្ទប់ដើម្បីជាលក្ខណៈស្ទីម រយៈពេល២០នាទី ព្រោះវានឹងជួយឲ្យក្មេងដកដង្ហើមបានកាន់តែស្រួល ។
•ក្នុងបន្ទប់កូនដេក គួរតែមានសំណើមល្អជួយដល់ការគេងរបស់គេ
•ពេលខ្លះ ការប៉ះពាល់នឹងខ្យល់ត្រជាក់ពីខាងក្រៅអាចជួយបំបាត់ការក្អកបានដែរ។
•ភេសជ្ជៈ ត្រជាក់ៗដូចជា ទឹកផ្លែឈើអាចជួយសម្រួលដល់បំពង់ក និងអាចបង្គ្រប់ជាតិទឹកដល់គេផង ។ ប៉ុន្តែមិនត្រូវឲ្យគេញ៉ាំទឹកក្រូចច្របាច់ ទឹកក្រូចកំប៉ុងទេ ព្រោះអាចធ្វើឲ្យឈឺបំពង់កកាន់តែខ្លាំង ។
•អ្នកមិនគួរណាឲ្យកូនលេបថ្នាំក្អកដោយគ្មានការពិនិត្យជាមួយគ្រូពេទ្យជាមុនឡើយ ។
•បើសិនជាកូនមានជំងឺហឺត ចូរប្រាកដថា អ្នកមានគម្រោងជួបជាមួយគ្រូពេទ្យលើករណីនេះហើយពេលណាដែលត្រូវទៅជួបពេទ្យ?
ចូរទាក់ទងគ្រូពេទ្យជានិច្ចបើសិនជាកូនអ្នកកំពុងតែក្អក ហើយ៖
•ពិបាកដកដង្ហើម
•ដកដង្ហើមញាប់ជាងធម្មតា
•បបូរមាត់ មុខ ឬអណ្តាតទៅជាស្វាយ
•ក្តៅខ្លួនខ្លាំង
•ក្តៅខ្លួនហើយអាយុតិចជាង ៣ខែ
•អាយុតិចជាង៣ខែហើយក្អកច្រើនយូរជាងបីម៉ោង
•មានជំងឺក្អកមាន់
•ដកដង្ហើមលឺសំឡេងស្អក
•ដកដង្ហើមលឺដូចហួច
•ខ្សោយ ឬរញាំរញ៉ូវ
•មានសញ្ញាខ្សោយជាតិទឹកក្នុងខ្លួនដូចជា វិលមុខ សន្លឹម ស្ងួតមាត់ ខូងភ្នែក យំគ្មានទឹកភ្នែក ឬនោមតិចជាងធម្មតា ៕
ស្រង់ពីគេហទំព័រសុខភាព
ចែករំលែកព័តមាននេះ