ដើមឆ្នាំ2018 មនុស្ស48នាក់ត្រូវប្រហារជីវិត
ប្រទេសអារ៉ាប៊ី សាអ៊ូឌីត ៖ អង្គការសិទ្ធិមនុស្ស HUMAN RIGHTS WATCH (HRW) រាយការណ៍កាលពីថ្ងៃទី២៥ មេសា…
ប្រទេសអារ៉ាប៊ី សាអ៊ូឌីត ៖ អង្គការសិទ្ធិមនុស្ស HUMAN RIGHTS WATCH (HRW) រាយការណ៍កាលពីថ្ងៃទី២៥ មេសា ថា មនុស្ស៤៨នាក់ត្រូវប្រហារជីវិតនៅអារ៉ាប៊ី សាអ៊ូឌីត តាំងពីដើមឆ្នាំ២០១៨នេះមក ក្នុងនោះពាក់កណ្តាលជាអ្នកទាក់ទិននឹងគ្រឿងញៀន ។
អង្គការនេះបន្តថា មនុស្សឯទៀតៗត្រូវកាត់ទោសព្រោះរឿងគ្រឿងញៀនកំពុងស្ថិតក្នុងកន្លែងឃុំឃាំងរង់ចាំការប្រហារជីវិត ។ អារ៉ាប៊ី សាអ៊ូឌីត កាលពីឆ្នាំទៅមិញបានធ្វើការកែទម្រង់មួយចំនួន ប៉ុន្តែបណ្តាអង្គការការពារសិទ្ធិមនុស្សអន្តរជាតិស្នើដល់ប្រទេសនោះឱ្យធ្វើអ្វីច្រើនទៀត បញ្ឈប់ការប្រហារជីវិតពួកអ្នកទោស ព្រមទាំងលុបចោលប្រព័ន្ធដាក់នារីឱ្យស្ថិតក្រោមអាណាព្យាបាល ។
HRW គូសបញ្ជាក់ថា អារ៉ាប៊ី សាអ៊ូឌីត ចាប់តាំងពីដើមឆ្នាំ២០១៤មក បានប្រហារជីវិតមនុស្សជិត៦០០នាក់ ក្នុងនោះជាង២០០នាក់ទាក់ទិននឹងគ្រឿងញៀន ។ ការប្រហារជីវិតពួកអ្នកទោសក្នុងប្រទេសនេះគឺការព្យួរក ៕
ចែករំលែកព័តមាននេះ