រាជធានីភ្នំពេញ ៖ មួយរយៈចុងក្រោយនេះតារាចម្រៀងកែវ ចាន់សម្ជស្ស បានបើកចំហពីជីវិតឯកជនរបស់នាង ដោយបានបង្ហោះរូបថតរួមជាមួយស្វាមី និងកូនប្រុសទាំងពីរឲ្យមហាជនបានដឹង ។ ក្នុងអំឡុងថ្ងៃបុណ្យចូលឆ្នាំកែវ ច័ន្ទសម្ជស្ស បានបង្ហាញរូបថតនាង និងស្វាមីរួមទាំង កូនៗទៅកម្សាន្តនៅខេត្តសៀមរាប ។
មានការសរសើរថាមើលទៅជីវិតគូរបស់ កែវ ច័ន្ទសម្ជស្ស ផ្អែមល្ហែម និងមានសុភមង្គល។ ខ្លះទៀតថាទោះស្វាមីរបស់នាងមានវ័យចំណាស់បន្តិច តែមើលទៅមានអីសក្តិសមគ្នា ។
រយៈពេលយូរឆ្នាំមកហើយដែលអ្នកនាងកែវ ច័ន្ទសម្ជស្ស តែដំណឹងនេះមិនសូវជាមានភាពទូលំទូលាយទេ ។ ក្រោយរៀបការកែវ ច័ន្ទសម្ជស្ស ក៏មិនសូវបើកចំហរឿងជីវិតឯកជនរបស់នាងទេ ទើបតែមួយរយៈចុងក្រោយនេះនាងបង្ហាញឲ្យដឹងថានាងមានស្វាមី និងកូន២នាក់ហើយ ។
រយៈពេលជិត១០មកហើយកែវ ច័ន្ទសម្ជស្ស បានរងព័ត៌មានមិនច្បាស់ថាបានរៀបការជាមួយស្វាមីជាអតីតថៅកែផលិតកម្មឆ្លងដែន។ ក្នុងពិភពសិល្បៈ អ្នកខ្លះបានដឹង ខ្លះមិនដឹង ឯមហាជនមិនដឹងទេ ដូច្នេះហើយរឿងរៀបការរបស់កែវ ច័ន្ទសម្ផស្ស ស្ថិតក្នុងភាពមន្ទិល ។ ម្យ៉ាងម្ចាស់ខ្លួនមិនលាតត្រដាងផងទើបស្ថិតក្នុងភាពមិនច្បាស់លាស់រហូតមក ។
ក្នុងជំនួបជាមួយអ្នកយកព័ត៌មាននាពេល ថ្មីៗកន្លងមក កែវ ច័ន្ទសម្ជស្ស និយាយថា«នាងខ្ញុំមិនបានបិទបាំងព័ត៌មានរៀបការកាលពីជិត១០ឆ្នាំមុននោះទេ គ្រាន់តែមិនមានលក្ខណៈទូលំទូលាយក្នុងសង្គមសិល្បៈប៉ុណ្ណោះ ។ ម្យ៉ាងទៀតអំឡុងពេលនាងខ្ញុំរៀបការនោះ ហ្វេសប៊ុកនៅមិនទាន់មានគេនិយមប្រើប្រាស់ដូចឥឡូវ បើមិនអីចឹងនោះមានការថតបង្ហោះបង្ហាញពេញហ្នឹងតែម្តង »។
កែវ ច័ន្ទសម្ជស្ស ឲ្យដឹងថាស្វាមីនាងមានវ័យ៥២ឆ្នាំ ជាអ្នករាជការ និងរកសុីធម្មតា ។ ពេលនេះនាងមានកូនប្រុស២នាក់ហើយ ។
តារាចម្រៀងកែវ ច័ន្ទសម្ផស្ស និយាយថា «គ្មានអ្វីត្រូវលាក់បាំងទៀតឡើយ ព្រោះនាងខ្ញុំបានលាតត្រដាងរួចរាល់ហើយ បងប្អូនទស្សនិកជននឹងមិនបន្តងឿងឆ្ងល់ដូចជាបណ្តាញសារព័ត៌មានទាំងឡាយទេ» ៕
ចែករំលែកព័តមាននេះ