Apple និង Samsung ជាគូបដិបក្ខគ្នាតែ Apple នឹងត្រូវពឹង Samsung រឿងសំខាន់មួយ
យោងតាមសេចក្តីរាយការណ៍មួយបានឲ្យដឹងថា Apple អាចនឹងចេញលក់ទូរស័ព្ទ iPhone ចំនួន២ប្រភេទដែលប្រើប្រាស់អេក្រង់ OLED ។ ប៉ុន្តែការលក់ទូរស័ព្ទ iPhone X…
យោងតាមសេចក្តីរាយការណ៍មួយបានឲ្យដឹងថា Apple អាចនឹងចេញលក់ទូរស័ព្ទ iPhone ចំនួន២ប្រភេទដែលប្រើប្រាស់អេក្រង់ OLED ។ ប៉ុន្តែការលក់ទូរស័ព្ទ iPhone X…
យោងតាមសេចក្តីរាយការណ៍មួយបានឲ្យដឹងថា Apple អាចនឹងចេញលក់ទូរស័ព្ទ iPhone ចំនួន២ប្រភេទដែលប្រើប្រាស់អេក្រង់ OLED ។ ប៉ុន្តែការលក់ទូរស័ព្ទ iPhone X ធ្លាក់ចុះបានធ្វើឲ្យក្រុមហ៊ុននេះព្យាយាមកាត់បន្ថយការខាតបង់ និងការកុម្មង់ពីអ្នកផ្គត់ផ្គង់ផងដែរ ។ ជាលទ្ធផល មានសេចក្តីរាយការណ៍ថា Apple បានចរចាជាមួយ Samsung ពីតម្លៃអេក្រង់ OLED សម្រាប់ទូរស័ព្ទនេះ ។
តាមសេចក្តីរាយការណ៍នាពេលថ្មីៗនេះថា Samsung មានគម្រោងផលិតអេក្រង់ OLED ប្រមាណ២៥លានយូនីតសម្រាប់ iPhone X និង៧៥លានយូនីតសម្រាប់ iPhone ដែលនឹងដាក់លក់នៅឆ្នាំ២០១៨នេះ ។ Apple ធ្លាប់បានចំណាយប្រមាណ១១០ដុល្លារសម្រាប់អេក្រង់ OLED មួយ ប៉ុន្តែ Apple អាចនឹងចំណាយតែ១០០ដុល្លារប៉ុណ្ណោះនៅឆ្នាំនេះ ។ Apple និង Samsung បានជួបគ្នាដើម្បីពិភាក្សាពីការចរចានេះ ប៉ុន្តែមិនទាន់សម្រេចបានអ្វីឡើយ ។ ទោះជាយ៉ាងណា Samsung កំពុងតែពិចារណាថា នឹងកាត់បន្ថយតម្លៃ ។
យោងតាមការរាយការណ៍មួយទៀតថា Samsung បានចាប់ផ្តើមរៀបចំជាមួយដៃគូដើម្បីផលិតអេក្រង់ OLED សម្រាប់ iPhone ថ្មី ចាប់ពីខែឧសភា ខាងមុខនេះ ។ Samsung ប្រហែលជាជម្រើសតែមួយរបស់ Apple ក្នុងផ្នែកផ្គត់ផ្គង់ផលិតផលនេះ ដែលធ្វើឲ្យ Samsung អាចគ្រប់គ្រងតម្លៃបានដោយងាយ ។ យោងតាមសារព័ត៌មានថា ការផលិតអេក្រង់ OLED របស់ LG មានភាពយឺតយ៉ាវព្រោះតែបញ្ហាផលិតកម្ម ដែលធ្វើឲ្យក្រុមហ៊ុននេះជួបឧបសគ្គក្នុងការផ្គត់ផ្គង់ទៅឲ្យ Apple នៅឆ្នាំនេះ ។
អ្នកវិភាគម្នាក់និយាយថា LG អាចនឹងផ្គត់ផ្គង់អេក្រង់ OLED តែ២០%ប៉ុណ្ណោះ ខណៈ Samsung ផ្គត់ផ្គង់៨០% ។ ប្រសិនបើ LG មិនអាចផ្គត់ផ្គង់ឲ្យ Apple បានទេ Samsung នឹងផ្គត់ផ្គង់ជំនួស ។ នៅពេល Samsung ក្លាយជាអ្នកផ្គត់ផ្គង់តែមួយនោះ តម្លៃ iPhone នាពេលអនាគតក៏អាចនឹងកើនឡើងផងដែរ ព្រោះអេក្រង់ OLED គឺជាផ្នែកដែលមានតម្លៃខ្ពស់ជាងគេរបស់ iPhone ៕
ចែករំលែកព័តមាននេះ