អុញនោះគ្រូបង្វឹក Barcelona B គេបញ្ឈប់បាត់
តាមប្រភពព័ត៌មាន Marca បានឲ្យដឹងថា នាយកគ្រប់គ្រងផ្នែកធនធានកីឡាករក្លិបយុវជន Barcelona B លោក Jose Mari Bakero…
តាមប្រភពព័ត៌មាន Marca បានឲ្យដឹងថា នាយកគ្រប់គ្រងផ្នែកធនធានកីឡាករក្លិបយុវជន Barcelona B លោក Jose Mari Bakero បានប្រាប់ថា ការបញ្ឈប់គ្រូបង្វឹក Gerard Lopez ពីក្លិប B ត្រូវបានសម្រេចរួចហើយសម្រាប់រដូវកាលក្រោយ ។
លោក Bakero បានពន្យល់ពីមូលហេតុនៃការបញ្ឈប់ថា «ពួកយើងបានសម្រេចចិត្តបញ្ឈប់គ្រូបង្វឹករបស់ក្រុម B ហើយខ្ញុំគិតថាវាសាកសមនឹងឲ្យយើងមើលទៅលើការងាររបស់គាត់ (Gerard) នៅការប្រកួតថ្មីៗនេះ» ។
លោកបន្តថា «វាពិតជាពិបាកនឹងធ្វើបែបនេះណាស់ ព្រោះថាយើងមានទឹកចិត្តជាមនុស្សដូចគ្នា ។ តែយើងត្រូវគិតពីការប្រកួតនៅរដូវកាលក្រោយ ។ យើងត្រូវមើលទៅអនាគត» ។
គួរបញ្ជាក់ផងដែរថា ក្លិបអ្នកមានបុណ្យក្រុម B បានហៅលោក Francisco Javier Garcia Pimienta មកជួប ដើម្បីធ្វើជាអ្នកបន្តតំណែងជំនួស ៕
ចែករំលែកព័តមាននេះ