ខេត្តកំពង់ស្ពឺ ៖ យ៉ាងហោចណាស់មនុស្ស២នាក់រងរបួសធ្ងន់ ព្រោះតែទំនាស់រឿងលេងបាល់ទះក្នុងចំណោមជនរងគ្រោះមានម្នាក់រងរបួសរហូតខ្វាក់ភ្នែកម្ខាង ។ ក្រោយបង្កជនសង្ស័យបានរត់គេចខ្លួនបាត់ ចំណែកជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យផងដែរ ។ ករណីអំពើហិង្សាដោយចេតនានេះ កើតឡើងនៅវេលាម៉ោង១៥និង៣០នាទី…
ខេត្តកំពង់ស្ពឺ ៖ យ៉ាងហោចណាស់មនុស្ស២នាក់រងរបួសធ្ងន់ ព្រោះតែទំនាស់រឿងលេងបាល់ទះក្នុងចំណោមជនរងគ្រោះមានម្នាក់រងរបួសរហូតខ្វាក់ភ្នែកម្ខាង ។ ក្រោយបង្កជនសង្ស័យបានរត់គេចខ្លួនបាត់ ចំណែកជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យផងដែរ ។ ករណីអំពើហិង្សាដោយចេតនានេះ កើតឡើងនៅវេលាម៉ោង១៥និង៣០នាទី ថ្ងៃទី២៥ ខែមេសានេះ នៅចំណុចភូមិអូរផ្ដៅ ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ ។
ជនសង្ស័យទី១- ឈ្មោះឆុន ឆាយ ភេទប្រុស ជាជនដៃដល់ ទី២- ឈ្មោះ អឿន ស្រ៊ាង ភេទប្រុស ទាំងពីរនាក់រស់នៅភូមិព្រៃមាន ឃុំរស្មីសាមគ្គី និងទី៣- ឈ្មោះ លី ថូ ភេទប្រុស រស់នៅភូមិសម្ដេចឪ ស្រុកគងពិសី ខេត្តកំពង់ស្ពឺ ។ ចំណែកជនរងគ្រោះឈ្មោះ ប៊ុន្នី ភេទប្រុស អាយុ២៣ឆ្នាំ និងម្នាក់ទៀតឈ្មោះប៉ុយ អាយុ២៣ឆ្នាំ អ្នកទាំង២ រស់នៅភូមិឃុំកើតហេតុខាងលើ ។
ប្រភពពីសមត្ថកិច្ចបានឲ្យដឹងថា មុនពេលកើតហេតុរវាងក្រុមជនដៃដល់ និងជនរងគ្រោះបានលេងបាល់ទះជាមួយគ្នា ស្រាប់តែពេលលេងចប់ក៏កើតទំនាស់ តែមិនមានអ្នកណាដឹងថា ផ្តើមចេញពីរឿងអ្វីនោះទេ ។ ប្រភពបន្តថា នៅពេលដែលជនរងគ្រោះភ្លេចខ្លួនក្រុមជនដៃដល់បាននាំគ្នាមកព្រួតវាយជនរងគ្រោះចំភ្នែក បណ្ដាលឲ្យរងរបួស បែកភ្នែកខាងស្តាំ (ធ្ងន់) ។
ក្រោយបង្កក្រុមជនដៃដល់បានរត់គេចខ្លួនបាត់អស់ ចំណែកជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យបង្អែកស្រុកឱរ៉ាល់ ។
លោកវរសេនីយ៍ទោប៊ុត ប៊ុនធឿនអធិការនគរបាលស្រុកបានឲ្យដឹងថា« បើទោះជា
មុខសញ្ញាបង្កកំពុងគេចខ្លួនក៏ដោយក៏សមត្ថកិច្ចមិនព្រងើយកន្តើយឡើយ គឺពេលនេះសមត្ថិច្ចរបស់លោកកំពុងតាមរកចាប់ខ្លួន និងកសាងសំណុំរឿងតាមនីតិវិធី ៕
ចែករំលែកព័តមាននេះ