ធ្លាក់យន្តហោះប្រដេញ F-16 មួយគ្រឿងរបស់អាមេរិក
សហរដ្ឋអាមេរិក ៖ ទូរទស្សន៍អាមេរិក ABC NEWS រាយការណ៍កាលពីថ្ងៃទី២៤ មេសា ថា យន្តហោះប្រដេញធុន F-16C…
សហរដ្ឋអាមេរិក ៖ ទូរទស្សន៍អាមេរិក ABC NEWS រាយការណ៍កាលពីថ្ងៃទី២៤ មេសា ថា យន្តហោះប្រដេញធុន F-16C មួយគ្រឿងរបស់អាមេរិកបានធ្លាក់នៅជិតបឹង HAVASU ស្ថិតនៅព្រំដែនរវាងរដ្ឋអារីហ្សូណា និងរដ្ឋកាលីហ្វ័រនីញ៉ា ពេលប៉ុនប៉ងចុះចត។
កងទ័ពអាកាសអាមេរិកគូសបញ្ជាក់ថា អ្នកបើកយន្តហោះនេះអាចលោតចេញ ហើយរូបគេសុខសប្បាយទេ ។ ក្នុងសេចក្តីប្រកាសមួយ មូលដ្ឋានអាកាសចរណ៍ LUKE AIR FORCE BASE រៀបរាប់ថា យន្តហោះធុន F-16C មួយគ្រឿងស្ថិតក្នុងក្រុមយន្តហោះប្រដេញទី៥៦ប៉ុនប៉ងចុះនៅព្រលានយន្តហោះក្រុង LAKE HAVASA CITY ក្នុងរដ្ឋអារីហ្សូណានាវេលាម៉ោងប្រមាណជា១០និង៣៥នាទីម៉ោងក្នុងស្រុកថ្ងៃទី២៤ មេសា ពេលធ្វើការហោះហើរហ្វឹកហ្វឺនជាទម្លាប់ ។ អ្នកបើកអាចលោតចេញ ហើយបញ្ជូនទៅកាន់មជ្ឈមណ្ឌលវេជ្ជសាស្ត្រតំបន់ HAVASU រួចរូបគេមានសុខភាពល្អទេ ។
យោងតាមសេចក្តីប្រកាសថា ពួកអ្នកជួយសង្គ្រោះបានទៅដល់ភ្លាមៗរួចពុំមានគ្រោះថ្នាក់ដល់ប្រជាជនឡើយ ៕
ចែករំលែកព័តមាននេះ