ចិនសាកល្បងនាវាផ្ទុកយន្តហោះទី2ផលិតដោយខ្លួនឯង
ប្រទេសចិន ៖ កាសែត SOUTH CHINA MORNING POST គូសបញ្ជាក់ថា នាវាផ្ទុកយន្តហោះប្រភេទ TYPE-001A…
ប្រទេសចិន ៖ កាសែត SOUTH CHINA MORNING POST គូសបញ្ជាក់ថា នាវាផ្ទុកយន្តហោះប្រភេទ TYPE-001A…
ប្រទេសចិន ៖ កាសែត SOUTH CHINA MORNING POST គូសបញ្ជាក់ថា នាវាផ្ទុកយន្តហោះប្រភេទ TYPE-001A ជានាវាផ្ទុកយន្តហោះដំបូងគេដែលចិនកសាងឡើងដោយខ្លួនឯងទាំងស្រុងកាលពីថ្ងៃទី២៣ មេសា បានចាកចេញពីការដ្ឋាននាវា DALIAN ហើយបើកឆ្ពោះទៅកាន់សមុទ្រសម្រាប់ការសាកល្បងលើកដំបូង ។
ការសាកល្បងនេះដែលជួនពេលគ្នាជាមួយខួបលើកទី៦៩របស់កងម៉ារីនចិននឹងត្រូវកំណត់ទាំងចម្ងាយផ្លូវ ទាំងរយៈពេល ក៏ប៉ុន្តែពួកអ្នកវិភាគនិយាយថា ការសាកល្បងនាវាផ្ទុកយន្តហោះទី២នេះរបស់ចិនជានិមិត្តរូបសំខាន់ខណៈចិនស្វែងរកឱ្យទទួលបានងារមហាអំណាចជើងទឹកមួយ ។
លោក SONG ZHONGPING អ្នកជំនាញការយោធាម្នាក់និយាយថា ទិសដៅនៃការសាកល្បង គឺសាកមើលបណ្តាប្រព័ន្ធស្លាបចក្រ ព្រមទាំងគមនាគមន៍របស់នាវា ។ បណ្តាប្រព័ន្ធអេឡិចត្រូនិក និងគ្រឿងសព្វាវុធនឹងត្រូវសាកល្បងនាឱកាសបើកសាកលើកក្រោយៗក្នុងពេលដ៏ឆាប់ខាងមុខ ។
នាវាផ្ទុកយន្តហោះ TYPE-001A ត្រូវបានកសាងនៅការដ្ឋាននាវា DSIC ក្នុងខេត្ត LIAONING ភាគឦសានចិន ។
ការងារសាងសង់ចាប់ផ្តើមក្នុងឆ្នាំ២០១៣ ហើយនាវានេះទម្លាក់ចូលទឹកកាលពីឆ្នាំ២០១៧ ។ នាវាផ្ទុកយន្តហោះនេះមានបណ្តោយ៣១៥ម៉ែត្រ និងទទឹង៧៥ម៉ែត្រ ។ នាវានេះអាចផ្ទុកយន្តហោះប្រដេញធុន J-15 ចំនួន៣៦គ្រឿង ៕
ចែករំលែកព័តមាននេះ