ប្រទេសរុស្ស៊ី-ប្រទេសស៊ីរី ៖ អ្នកនាំពាក្យមូលដ្ឋានម្នាក់ថ្លែងថា ប្រព័ន្ធការពារអាកាសដែលដាក់ពង្រាយនៅមូលដ្ឋានអាកាសចរណ៍រុស្ស៊ី HMEIMIM ប្រទេសស៊ីរីកាលពីយប់ថ្ងៃទី២៤ មេសា បានកម្ទេចបណ្តាគោលដៅពុំស្គាល់ដែលហោះសំដៅមកកាន់ទីនោះ ។
តំណាងម្នាក់របស់មូលដ្ឋាននេះគូសបញ្ជាក់ថា កងការពារអាកាសនៅមូលដ្ឋានអាកាសចរណ៍រុស្ស៊ី HMEIMIM អាចកម្ទេចបណ្តាគោលដៅពុំស្គាល់ដែលប្រទះឃើញកាលពីយប់ថ្ងៃទី២៤ មេសា ក្បែរមូលដ្ឋាននោះ ។
តំណាងរូបនេះបន្តថា ថ្ងៃទី២៤ មេសា ពេលរាត្រីកាលមកដល់ បណ្តាមធ្យោបាយត្រួតពិនិត្យដែនអាកាសនៃមូលដ្ឋាន HMEIMIM ប្រទះឃើញក្នុងចម្ងាយឆ្ងាយគួរសមពីព្រលានយន្តហោះបណ្តាគោលដៅអាកាសមានទំហំតូចៗដែលពុំដឹងមានប្រភពពីណាមក។ ប្រព័ន្ធការពារអាកាសនៃមូលដ្ឋានអាកាសចរណ៍រុស្ស៊ីនេះបានកម្ទេចទាំងស្រុងរាល់គោលដៅ ។ លោកបញ្ជាក់ថា របស់ទាំងនេះពេលរងការកម្ទេចពុំបណ្តាលឱ្យមានអ្នករបួស ឬបង្កការខូចខាតណាមួយឡើយ ៕
ចែករំលែកព័តមាននេះ