ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តបានចូលរួមសហការជាមួយកម្លាំងការិយាល័យព្រហ្មទណ្ឌកំរិតធ្ងន់ និង កម្លាំងតាមបណ្តាលស្រុកចំនួន២គឺស្រុកពួក និងស្រុកសូទ្រនិគម បានចុះបង្ក្រាបករណីជួញដូរ ចាត់ចែងឱ្យប្រើប្រាស់ដោយខុសច្បាប់នូវសារធាតុញៀន រហូតឈានដល់ធ្វើការឃាត់ខ្លួនបានជនសង្ស័យចំនួន១២នាក់នៅទីតាំង៣ផ្សេងគ្នា ក្នុងខេត្តសៀមរាបរយៈពេល១ថ្ងៃ គឺថ្ងៃទី២៤ ខែមេសា ឆ្នាំ២០១៨ ។
តាមប្រភពពីមន្ត្រីជំនាញខេត្តបានប្រាប់ថា ជនសង្ស័យចំនួន១២នាក់និងវត្ថុតាងរួមមាន ទី១-ឈ្មោះ ឃ្លាំង ចិត្រា ភេទប្រុស អាយុ១៧ឆ្នាំ មុខរបរគ្មានទីលំនៅភូមិកក្រាញ់ សង្កាត់ សៀមរាប ក្រុង-ខេត្តសៀមរាប (ចាត់ចែងនិងប្រើប្រាស់ មានសារធាតុញៀនក្នុងខ្លួន), ទី២-ឈ្មោះ វ៉ុង ទួនអ៊ី ភេទប្រុស អាយុ១៩ឆ្នាំ មុខរបរកម្មករគ្មាន ទីលំនៅភូមិវត្តស្វាយ សង្កាត់សាលាកំរើក ក្រុង-ខេត្តសៀមរាប(ចាត់ចែងនិងប្រើប្រាស់មានសារធាតុញៀនក្នុងខ្លួន), ទី៣-ឈ្មោះ សល់ ពិសាល ហៅ ផ្លយ ភេទប្រុស អាយុ១៥ឆ្នាំ មុខរបរគ្មានទីលំនៅភូមិវត្តស្វាយ សង្កាត់សាលាកំរើក ក្រុង-ខេត្តសៀមរាប (ចាត់ចែងនិងប្រើប្រាស់មានសារធាតុញៀនក្នុងខ្លួន), ទី៤-ឈ្មោះ វ៉ុង ដារ៉ា ហៅង៉ា ភេទប្រុស អាយុ២៨ឆ្នាំ មុខរបរគ្មានទីលំនៅភូមិវត្តស្វាយ សង្កាត់សាលាកំរើក ក្រុង-ខេត្តសៀមរាប (ចាត់ចែងនិងប្រើប្រាស់មានសារធាតុញៀនក្នុងខ្លួន), ទី៥-ឈ្មោះ គឹម សុបិន្ត ហៅ ម៉ាច ភេទប្រុស អាយុ៣១ឆ្នាំ មុខរបរគ្មានទីលំនៅភូមិតាភុលសង្កាត់ស្វាយដង្គំ ក្រុង-ខេត្តសៀមរាប(ចាត់ចែងនិងប្រើប្រាស់មានសារធាតុញៀនក្នុងខ្លួន), ទី៦-ឈ្មោះ អ៊ុជ ប្រាស្នា ភេទប្រុស អាយុ១៧ឆ្នាំ មុខរបរគ្មាន ទីលំនៅភូមិក្រសាំងរលើង សង្កាត់សៀមរាប ក្រុង-ខេត្តសៀមរាប (ចាត់ចែងនិងប្រើប្រាស់មានសារធាតុញៀនក្នុងខ្លួន), ទី៧-ឈ្មោះ ថោង រក្សា ភេទប្រុស អាយុ ១៦ឆ្នាំ មុខរបរគ្មានទីលំនៅភូមិគោកមន ឃុំ ដំដែក ស្រុកសូទ្រនិគម ខេត្តសៀមរាប (រក្សាទុក និងចាត់ចែង)(មានសារធាតុញៀនក្នុងខ្លួន), ទី៨-ឈ្មោះ ឆេង កក្កដា ភេទប្រុស អាយុ១៦ឆ្នាំ មុខរបរគ្មាន ទីលំនៅភូមិគោកមន ឃុំដំដែក ស្រុកសូទ្រនិគម ខេត្តសៀមរាប (ចាត់ចែង និងប្រើប្រាស់មានសារធាតុញៀនក្នុងខ្លួន) ទី៩-ឈ្មោះ ពេជ្រ សុភ័ក្ត ភេទប្រុស អាយុ ២៣ឆ្នាំ មុខរបរគ្មានទីលំនៅភូមិទឹកថ្លា ឃុំខ្នាត ស្រុកពួក ខេត្តសៀមរាប (ចាត់ចែង និងប្រើប្រាស់មានសារធាតុញៀនក្នុងខ្លួន) ទី១០-ឈ្មោះ ឆាយ មករា ហៅ ក្តិប ភេទប្រុស អាយុ១៧ឆ្នាំ មុខរបរគ្មានទីលំនៅភូមិទឹកថ្លា ឃុំខ្នាត ស្រុកពួក ខេត្តសៀមរាប (ចាត់ចែង និងប្រើប្រាស់មានសារធាតុញៀនក្នុងខ្លួន) ទី១១-ឈ្មោះ ឡូ លីន ភេទប្រុស អាយុ១៨ឆ្នាំ មុខរបរគ្មានទីលំនៅភូមិជ្រេស ឃុំព្រៃជ្រូក ស្រុកពួក ខេត្តសៀមរាប (ចាត់ចែង និងប្រើប្រាស់មានសារធាតុញៀនក្នុងខ្លួន) និងទី១២-ឈ្មោះ សាំង កុសល្យ ភេទប្រុស អាយុ២៤ឆ្នាំ មុខរបរគ្មានទីលំនៅភូមិទឹកថ្លា ឃុំខ្នាត ស្រុកពួក ខេត្តសៀមរាប (ចាត់ចែង និង ប្រើប្រាស់មានសារធាតុញៀនក្នុងខ្លួន) ។
ក្រោយសមត្ថកិច្ចជំនាញឃាត់ខ្លួនបានដកហូតវត្ថុតាងរួមមាន ម្សៅមេតំហ្វេតាមីន ប្រភេទទឹកកកចំនួន០៣កញ្ចប់ ស្មើនឹងទំងន់ ០,៤ក្រាម ទំងន់សុទ្ធ ។ បច្ចុប្បន្នជនសង្ស័យចំនួន១២នាក់ ត្រូវបានរៀបចំកសាងសំណុំរឿង បញ្ចូនទៅសាលាដំបូងថ្ងៃទី២៥ ខែមេសា ឆ្នាំ២០១៨ ដើម្បីចាត់ទៅតាមនីតិវិធីច្បាប់ ៕
ចែករំលែកព័តមាននេះ