ខេត្តសៀមរាប ៖ បុរសវ័យចំណាស់ជនជាត់អូស្ត្រាលីម្នាក់បានដួលធ្លាក់ពីលើគ្រែពួកនៅក្នុងបន្ទប់ផ្ទះសំណាក់យីហោ វី ឡា សុខសាន ក្នុងក្រុងសៀមរាបបណ្តាលឱ្យស្លាប់ភ្លាមៗដោយសារដាច់សរសៃឈាមខួរក្បាល នេះបើតាមសម្តីរបស់លោកវេជ្ជបណ្ឌិត អ៊ិត ឆប…
ខេត្តសៀមរាប ៖ បុរសវ័យចំណាស់ជនជាត់អូស្ត្រាលីម្នាក់បានដួលធ្លាក់ពីលើគ្រែពួកនៅក្នុងបន្ទប់ផ្ទះសំណាក់យីហោ វី ឡា សុខសាន ក្នុងក្រុងសៀមរាបបណ្តាលឱ្យស្លាប់ភ្លាមៗដោយសារដាច់សរសៃឈាមខួរក្បាល នេះបើតាមសម្តីរបស់លោកវេជ្ជបណ្ឌិត អ៊ិត ឆប ឆរ័ត្ន គ្រូពេទ្យអមតុលាការខេត្តបង្កឱ្យភ្ញាក់ផ្អើលដល់ម្ចាស់សណ្ឋាគារ ប៉ុន្តែលាក់បាំងមិនត្រូវឱ្យមានអ្នកព័ត៌មានដឹងឡើយ ។ ហេតុការជនបរទេសស្លាប់នោះបានកើតឡើងនាវេលាម៉ោងប្រហែល០៣និង១៥នាទីរសៀល ថ្ងៃទី២៤ ខែមេសា ឆ្នាំ២០១៨ នៅក្នុងបន្ទប់លេខ១០៨ ផ្ទះសំណាក់ វីឡា សុខសាន ស្ថិតក្នុងភូមិស្ទឹងថ្មី សង្កាត់ស្វាយដង្គំ ក្រុងខេត្តសៀមរាប ។
បើតាមប្រភពពីសមត្ថកិច្ចជំនាញខេត្តបានប្រាប់នៅថ្ងៃទី២៥ ខែមេសា ឆ្នាំ២០១៨ នេះថា ជនរងគ្រោះឈ្មោះ BLACKJAMESGREGORY ភេទប្រុស អាយុ៦៥ឆ្នាំ ជនជាតិអូស្ត្រាលី កាន់លិខិតឆ្លងដែនលេខ PA ៦១ ៨៦ ៤៩៤ ជាភ្ញៀវទេសចរណ៍ ហើយចូលមកព្រះរាជាណាចក្រកម្ពុជាកាលពីថ្ងៃទី១៨ ខែមេសា ឆ្នាំ២០១៨ តាមច្រកព្រលានយន្តហោះអន្តរជាតិសៀមរាប ស្នាក់នៅផ្ទះសំណាក់ខាងលើ ។
ផ្អែកតាមការស្រាវជ្រាវរបស់សមត្ថកិច្ចជំនាញ និងលោកវេជ្ជបណ្ឌិត អ៊ិត ឆប ឆរ័ត្ន គ្រូពេទ្យអមតុលាការខេត្តបានសន្និដ្ឋានថា ជនរងគ្រោះស្លាប់ដោយសំពាធឈាមឡើងខ្ពស់បណ្តាលឱ្យដាច់សរសៃឈាមខួរក្បាល ។ បច្ចុប្បន្នសាកសពជនរងគ្រោះត្រូវបានសមត្ថកិច្ចធ្វើការប្រគល់ឱ្យក្រុមគ្រួសារដើម្បីរៀបចំបញ្ជូនទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរ-សូវៀតរាជធានីភ្នំពេញ ៕
ចែករំលែកព័តមាននេះ