ការក្លែងបន្លំFacebookកងទ័ព ជាការញុះញង់បំបែកបំបាក់ជាតិ
- ភ្នំពេញ
រាជធានីភ្នំពេញ ៖ លោកឧត្តមសេនីយ៍ឯក ម៉ៅ សុផាន់ មេបញ្ជាការ បញ្ជាការដ្ឋានកងពលតូចលេខ៧០ និងមេបញ្ជាការរង នាយទាហាន ពលទាហានទាំងអស់…
រាជធានីភ្នំពេញ ៖ លោកឧត្តមសេនីយ៍ឯក ម៉ៅ សុផាន់ មេបញ្ជាការ បញ្ជាការដ្ឋានកងពលតូចលេខ៧០ និងមេបញ្ជាការរង នាយទាហាន ពលទាហានទាំងអស់…
រាជធានីភ្នំពេញ ៖ លោកឧត្តមសេនីយ៍ឯក ម៉ៅ សុផាន់ មេបញ្ជាការ បញ្ជាការដ្ឋានកងពលតូចលេខ៧០ និងមេបញ្ជាការរង នាយទាហាន ពលទាហានទាំងអស់ នៅថ្ងៃទី២៥ មេសា នេះ បានចេញមុខថ្កោលទោសយ៉ាងដាច់អហង្ការចំពោះការក្លែងបន្លំ Facebook របស់កងទ័ព ហើយធ្វើការបំផុស ដើម្បីញុះញង់ឱ្យមានការបែកបាក់ជាតិប្រឆាំងរដ្ឋាភិបាល ។
ការប្រតិកម្មរបស់កងពលតូចលេខ៧០ បានធ្វើឡើងបន្ទាប់ពីមានជនអនាមិកមួយចំនួន ដែលគេសង្ស័យថា មានសេណារីយោច្បាស់លាស់ បានក្លែងបន្លំធ្វើជាគណនី Facebook របស់កងទ័ព តាមរយៈការលួចយករូបកងទ័ពទៅប្រើប្រាស់ ពិសេសមានរូបរបស់យុទ្ធជន និងរូបថ្នាក់ដឹកនាំជួរបញ្ជាការររងកងពលថែមទៀត យកទៅបង្ហោះវាយប្រហារលើរដ្ឋាភិបាល និងគាំទ្រដល់ចលនាសង្គ្រោះជាតិ ដែលបង្កើតឡើងដោយទណ្ឌិត សម រង្ស៊ី។
លោកឧត្តមសេនីយ៍មេបញ្ជាការ បានបញ្ជាក់យ៉ាងដូច្នេះថា ៖ «ការលាបពណ៌មកលើកងយោធពលខេមរភូមិនេះ គឺជាអំពើថោកទាប និងដ៏សែនល្ងង់ខ្លៅរបស់ក្រុមក្បត់ជាតិ ដែលបានប្រកាសធ្វើសកម្មភាពមកលើកងទ័ព ក្នុងចេតនាបំផ្លាញដល់ភាពសុខសាន្តរបស់ប្រជាពលរដ្ឋកម្ពុជា ដែលជ្រកក្រោមម្លប់សន្តិភាព និងការអភិវឌ្ឍជាបន្តបន្ទាប់»។
លោកមេបញ្ជាការ ក៏បានអំពាវនាវដល់ស្ថាប័នមានសមត្ថកិច្ច ឲ្យស្រាវជ្រាវស្វែងរកចាប់ខ្លួនក្រុមជនដែលបន្លំ Facebook របស់កងទ័ព យកមកផ្តន្ទាទោសតាមច្បាប់ឲ្យបានធ្ងន់ធ្ងរបំផុត ព្រោះកងយោធពលខេមរភូមិន្ទ មានការស្មោះត្រង់ និងការពារដាច់ខាតចំពោះរាជរដ្ឋាភិបាលស្របច្បាប់ សម្តេចតេជោ ហ៊ុន សែន ដែលបានខិតខំស្វែងរកសន្តិភាពជូនកម្ពុជាយ៉ាងលំបាក ហើយមិនឲ្យជនក្បត់ជាតិ បានសម្រេចបំណងបំផ្លិចបំផ្លាញសន្តិភាព នេះឡើយ។
សូមបញ្ជាក់ថា កាលពីចុងខែមករា ឆ្នាំ២០១៨ កន្លងទៅ ក្នុងពេលប្រកាសចេញនូវចលនាសង្គ្រោះជាតិ នៅសហរដ្ឋអាមេរិក ទណ្ឌិត សម រង្ស៊ី ក៏បានប្រកាសធ្វើចលនាទៅលើកងទ័ព ដើម្បីប្រឆាំងរដ្ឋាភិបាលកម្ពុជា។ ក្រោយការប្រកាសបែបនេះ ក៏មានសកម្មភាពក្លែងបន្លំ Facebook កងទ័ព ហើយវាយប្រហារលើរដ្ឋាភិបាលជាបន្តបន្ទាប់។ ទោះជាយ៉ាងនេះក្តី នាពេលកន្លងទៅក្រោយមានប្រកាសបែបនេះ កងទ័ពទាំងអស់ ក៏បានចេញមុខថ្កោលទោសលោក សម រង្ស៊ី ផងដែរ៕
ចែករំលែកព័តមាននេះ