រាជធានីភ្នំពេញ ៖ ជំងឺមហារីកពោះវៀនកើតឡើងច្រើនរហូតដល់ស្ថិតក្នុងលំដាប់ថ្នាក់ទី៣ នៃប្រភេទមហារីកដែលកើតមាននៅសហរដ្ឋអាមេរិកដែលគេអាចប៉ានប្រមាណថា មានអ្នកជំងឺប្រហែល៥០.៦៣០នាក់ស្លាប់ក្នុងឆ្នាំ២០១៨ដោយសារតែជំងឺនេះ។
ដោយឡែកនៅប្រទេសកម្ពុជាកំឡុងឆ្នាំ២០០៥ដល់២០១០ មានអត្រាអ្នកកើតមហារីកពោះវៀនរហូតដល់៣៥៦ករណីបន្ថែមទៀត ដែលក្នុងនោះអ្នកជំងឺស្ទើរតែ៣០% មានអាយុតិចជាង៤០ឆ្នាំនៅឡើយ។ ការសិក្សាបង្ហាញថា មូលហេតុទាំងនោះអាចបណ្តាលមកពីបរិយាកាស និងការរស់នៅដែលមានសារធាតុពុល និងកត្តាតំណពូជដែលមិនអាចកែប្រែ ឬបង្ការបានឡើយ។
ការគ្រប់គ្រងទង្ងន់ របបអាហារ និងការហាត់ប្រាណជាប្រចាំជាកត្តាសំខាន់បំផុតដើម្បីចៀសផុតពីជំងឺមហារីកពោះវៀន។ ខាងក្រោមនេះជាកត្តាប្រឈមនឹងជំងឺមហារីកពោះវៀនដែលអ្នកអាចបង្ការបាន ៖
១ – ការលើសទំងន់ ឬការធាត់ជ្រុល ៖ វានឹងធ្វើឱ្យអ្នកប្រឈមមុននឹងជំងឺមហារីកពោះវៀនកាន់តែខ្លាំង ជាពិសេសទៅលើបុរស។
២ – មិនធ្វើលំហាត់ប្រាណ
៣ – ប្រភេទអាហារមួយចំនួន ៖ ដូចជាសាច់គោ សាច់ជ្រូក សាច់ចៀម ឬថ្លើមសត្វ Hot Dog ឬអាហារកែច្នៃផ្សេងទៀត ប្រភេទអាហារអាំង ឬចៀនដែលខ្លោចជាដើមជាប្រភពដែលបណ្តាលឲកើតជំងឹមហារីកពោះវៀន។
៤ – ការជក់បារី ៖ ការជក់បារីមិនត្រឹមតែធ្វើឲអ្នកប្រឈមនឹងជំងឺមហារីកសួតទេ ថែមទាំងជំងឺមហារីកពោះវៀនផងដែរ។
៥ – ការញ៉ាំស្រា ៖ ការញ៉ាំស្រាច្រើនលើសប្រមាណនឹងធ្វើឱ្យអ្នកប្រឈមមុខនឹងកើតមហារីកពោះវៀនកាន់តែខ្ពស់។ តែអ្នកអាចញ៉ាំស្រាបាន១កែវក្នុង១ថ្ងៃសម្រាប់មនុស្សស្រី និងរហូតដល់២កែវក្នុង១ថ្ងៃសម្រាប់មនុស្សប្រុស ដែលនេះអាចកាត់បន្ថយជំងឺមហារីកផ្សេងៗបានទៀតផង។
យ៉ាងណាមិញ មានការសិក្សាកាលពីខែកញ្ញា ឆ្នាំ២០១៧ នៅThe American Journal of Pathology បង្ហាញថា ប្រូប៊ីយ៉ូទិកមានតួនាទីយ៉ាងសំខាន់សម្រាប់ការពារជំងឺមហារីកពោះវៀន។ តួយ៉ាងក្នុងការជ្រើសយក ប្រូប៊ីយ៉ូទិក ក្នុងការប្រើប្រាស់ គួរមើលទៅលើបរិមាណប្រូប៊ីយ៉ូទិកនៅក្នុងផលិតផលមួយនោះ ដូចនេះលោកអ្នកអាចជ្រើសយក ខេម ប្រូប៊ីយ៉ូទិក KEM PROBIOTICS យកទៅប្រើប្រាស់ និងជាផលិតផលដែលលោកអ្នកអាចជឿទុកចិត្តបាន ។សូមពិគ្រោះជាមួយឱសថការី ក្នុងការប្រើប្រាស់ ដើម្បីសុវត្ថិភាព និងប្រសិទ្ធភាពខ្ពស់ ។
ប្រភព៖ 1) American Cancer Society
2) https://www.ncbi.nlm.nih.gov/pubmed/21790241
3) medicalnewstoday.com
ផលិតផល ៖ KEM PROBIOTICS
ប្រែសម្រួលដោយ ៖ flashsanté.info
ចែករំលែកព័តមាននេះ