ខេត្តកំពង់ធំ ៖ លោកវរសេនីយ៍ត្រី យន់ ឆៃយាន អធិការរងនគរបាលស្រុកកំពង់ស្វាយបានឲ្យដឹងថា ករណីទី១បានបង្កឡើងដោយខ្លួនឯងគឺរថយន្តម៉ាកឡិចស៊ិសពណ៌ទឹកមាស ផ្លាកលេខគ្មាន បើកបរនៅក្នុងទិសដៅពីកើតទៅលិចដោយឈ្មោះ ហ៊ា…
ខេត្តកំពង់ធំ ៖ លោកវរសេនីយ៍ត្រី យន់ ឆៃយាន អធិការរងនគរបាលស្រុកកំពង់ស្វាយបានឲ្យដឹងថា ករណីទី១បានបង្កឡើងដោយខ្លួនឯងគឺរថយន្តម៉ាកឡិចស៊ិសពណ៌ទឹកមាស ផ្លាកលេខគ្មាន បើកបរនៅក្នុងទិសដៅពីកើតទៅលិចដោយឈ្មោះ ហ៊ា រឹទ្ធី ភេទប្រុស អាយុ៣៧ឆ្នាំ មុខរបរជាងជួសជុលរថយន្ត (របួសស្រាល) អ្នករួមដំណើរ០២នាក់ ទី១-ឈ្មោះ លឹម ចាន់រឹទ្ធី ភេទប្រុស អាយុ៣៦ឆ្នាំ ជាអនុសេនីយ៍ត្រីនាយរងប៉ុស្តិ៍នគរបាលកំពង់ធំ រស់នៅភូមិទី៧ជាមួយអ្នកបើកបរ សង្កាត់កំពង់ធំ ក្រុងស្ទឹងសែន ខេត្តកំពង់ធំ ស្លាប់នៅពេលបញ្ជូនទៅសង្គ្រោះនៅមន្ទីរពេទ្យភ្នំពេញ និងទី២-ឈ្មោះ ផល្លា ភេទប្រុស អាយុ៣៥ឆ្នាំ នៅភូមិថ្នល់បែក ឃុំត្រពាំងឫស្សី ស្រុកកំពង់ស្វាយ (របួសស្រាល) ខណៈនៅពេលដែលកំពុងតែបើកបររថយន្តផ្ទុះបែកកង់មុខខាងស្តាំរ៉េចង្កូតក្រឡាប់ធ្លាក់ថ្នល់ជាច្រើនត្រឡប់គៀបមនុស្សស្លាប់ម្នាក់ ។
ឧប្បត្តិហេតុទី២បានកើតឡើងនៅវេលាម៉ោង៩និង៤៥នាទីយប់ ថ្ងៃទី២៣ ខែមេសា ស្ថិតនៅលើកំណាត់ផ្លូវជាតិលេខ០៦ដដែល ចន្លោះគីឡូម៉ែត្រលេខ១៨៧-១៨៨ នៅក្នុងភូមិតារាម ឃុំត្បែង ស្រុកកំពង់ស្វាយ ខេត្តកំពង់ធំ ដែលបង្កឡើងដោយម៉ូតូជិះឌុបគ្នាក្នុងស្ថានភាពស្រវឹងស្រាទៅបុកគូថរថយន្តឈប់ក្បែរផ្លូវក្នុងទិសដៅស្របគ្នាពីលិចទៅកើតបណ្តាលឲ្យស្លាប់០២នាក់(ប្រុស) រីឯអ្នកបើកបរមិនស្គាល់អត្តសញ្ញាណបានរត់គេចខ្លួនបាត់វត្ថុតាងរក្សាទុកនៅអធិការដ្ឋាននគរបាលស្រុកកំពង់ស្វាយដើម្បីចាត់ការតាមផ្លូវច្បាប់ ៕
ចែករំលែកព័តមាននេះ