ខេត្តកំពង់ធំ ៖ ករណីមនុស្សវិកលចរឹកម្នាក់បានយកភ្លើងទៅដុតបំផ្លាញទ្រព្យសម្បត្តិអ្នកដទៃឆេះផ្ទះអស់ មួយខ្នង បានបង្កឲ្យមានការភ្ញាក់ផ្អើលមួយបានកើតឡើងកាលពីវេលាម៉ោង០៩និង២០នាទី ថ្ងៃទី២៣ ខែមេសា ឆ្នាំ២០១៨ ស្ថិតនៅក្នុងភូមិប្រនាក ឃុំចើងដើង ស្រុកបារាយណ៍ ខេត្តកំពង់ធំ ។
សមត្ថកិច្ចបានឱ្យដឹងថា ផ្ទះដែលត្រូវបានមនុស្សវិកលចរឹកដុតឆេងអស់នោះមានទំហំ៤×៥ម៉ែត្រ សាងសង់ឡើងអំពីឈើប្រក់ស្លឹក ជញ្ចាំងក្ដារ រនាបក្ដារ ដែលជាកម្មសិទ្ធរបស់ជនរងគ្រោះជាម្ចាស់ផ្ទះឈ្មោះ ឃ្លោក ធួក ភេទប្រុស អាយុ៤៣ឆ្នាំ និងប្រពន្ធឈ្មោះ ម៉ៃ ថុល អាយុ៤២ឆ្នាំ នៅភូមិ-ឃុំកើតហេតុខាងលើដែលបានបង្ក ឡើងដោយជនសង្ស័យឈ្មោះ រឿន ធារ៉ា ភេទប្រុស អាយុ២៤ឆ្នាំ នៅភូមិ-ឃុំកើតហេតុ(ជាមនុស្សវិកលចរឹក) ។
នៅមុនពេលកើតហេតុជនរងគ្រោះដែលជាម្ចាស់ផ្ទះទាំងពីរនាក់ប្តីប្រពន្ធពួកគាត់មិនបាននៅផ្ទះនោះទេ ពួកគាត់បានទៅធ្វើការងារនៅឯឃុំទំរីង ស្រុកសណ្ដាន់ បាត់ដោយបិទទ្វារចាក់សោរផ្ទះទុកចោលគ្មានមនុស្សនៅ ចំណែកឯជនសង្ស័យគឺជាមនុស្សដែលមានសតិមិនគ្រប់ នៅមុនពេលកើតហេតុគេឃើញជនសង្ស័យបានដើរទៅលេងនៅផ្ទះរបសជនរងគ្រោះខាងលើហើយបានយកភ្លើងដុតផ្ទះនោះតែម្ដងទៅ ចំពោះសម្ភារខូចខាតមិនទាន់អាចកំណត់បាន សមត្ថកិច្ចកំពុងធ្វើការស្រាវជ្រាវបន្តចំពោះជនសង្ស័យត្រូវបានឃាត់ទុកនៅអធិការដ្ឋាននគរបាលស្រុកបារាយណ៏ ៕
ចែករំលែកព័តមាននេះ