តាមប្រភពព័ត៌មាន Goal បានឲ្យដឹងថា អតីតកីឡាករក្រុមជម្រើសជាតិប្រេស៊ីលជឿជាក់ថា Neymar នឹងមិនក្លាយជាកីឡាករខ្លាំងផ្តាច់គេឡើយ ប្រសិនបើនៅលេងឲ្យ PSG ។ រូបគេត្រូវតែចាកចេញទៅកាន់ក្លិបអធិរាជស…
តាមប្រភពព័ត៌មាន Goal បានឲ្យដឹងថា អតីតកីឡាករក្រុមជម្រើសជាតិប្រេស៊ីលជឿជាក់ថា Neymar នឹងមិនក្លាយជាកីឡាករខ្លាំងផ្តាច់គេឡើយ ប្រសិនបើនៅលេងឲ្យ PSG ។ រូបគេត្រូវតែចាកចេញទៅកាន់ក្លិបអធិរាជស Real Madrid ដើម្បីសម្រេចក្តីបំណងនេះ ។
Rivaldo ដែលជាអតីតជើងខ្លាំងក្រុមជម្រើសជាតិប្រេស៊ីល និងក៏ជាអតីតកីឡាករក្លិបអ្នកមានបុណ្យ Barcelona ប្រាប់ថា Neymar គួរតែទៅលេងឲ្យ Real Madrid ដើម្បីឲ្យក្លាយជាកីឡាករលេចមុខជាងគេ ។ អតីតកីឡាករអាយុ៤៦ឆ្នាំរូបនេះបាននិយាយប្រាប់ GloboExporte ថា «ខ្ញុំហ៊ាននិយាយថា Neymar អាចនឹងក្លាយជាកីឡាករខ្លាំងផ្តាច់គេបាន ។ តែខ្ញុំជឿថា ប្រសិនបើរូបគេនៅតែលេងនៅ PSG នោះវានឹងមិនអាចកើតឡើងឡើយ ។ គេត្រូវតែចាកចេញពី PSG ហើយទៅលេងឲ្យ Real ដែលជាក្លិបពោរពេញដោយការប្រកួតប្រជែង» ។
គួរបញ្ជាក់ថា Neymar លេងបានយ៉ាងល្អជូនក្លិប PSG នៅមុនពេលរងរបួសដេកពេទ្យ ។ អស់រយៈពេលជាច្រើនខែថ្មីៗនេះរូបគេមិនបានចូលប្រកួតឡើយ ដោយសារតែត្រូវសម្រាកឲ្យឆាប់ជារបួសដើម្បីចូលប្រកួតនៅ World Cup រុស្ស៊ី ៕
ចែករំលែកព័តមាននេះ