រាជធានីភ្នំពេញ ៖ ក្មេងស្រីជំទង់ម្នាក់ ទើបតែអាយុ១៥ឆ្នាំ ទៅសុំកន្លែងលក់ស៊ុបគោនៅក្នុងមជ្ឃមណ្ឌលកោះពេជ្រធ្វើការ តែមិនបានប៉ុន្មានថ្ងៃផងស្រាប់តែបែកគំនិតឆ្លៀតឪកាសម្ចាស់ហាងអត់នៅ ក៏លួចយកស្រាបៀរអស់២កេះ និងទឹកអប់ទុកបាញ់ម្រេញគង់វាល ត្រូវម្ចាស់ហាងតាមទាន់ចាប់បានប្រគល់ទៅឲ្យសមត្ថកិច្ចប៉ុស្តិ៍ទន្លេបាសាក់យកទៅអប់រំ ។ ហេតុការណ៍នេះបានកើតឡើងកាលពីវេលាម៉ោង២រំលងអាធ្រាត្រឈានចូលថ្ងៃទី២៤ ខែមេសា ឆ្នាំ២០១៨ តាមបណ្តោយផ្លូវមាត់ទន្លេកោះពេជ្រ នៅចំណុចហាងស៊ុបគោមហាលាប ស្ថិតនៅក្នុងសង្កាត់ទន្លេបាសាក់ ខណ្ឌចំការមន ។
ជនសង្ស័យមានឈ្មោះ ឌេន សុភា អាយុ១៥ឆ្នាំ មុខរបរ និងស្នាក់នៅមិនពិតប្រាកដ ។
តាមប្រភពព័ត៌មានពីជនរងគ្រោះឈ្មោះ ឈន វួចលាង ភេទស្រី អាយុ២៤ឆ្នាំ មុខរបរជាថៅកែហាងនៅកើតហេតុខាងលើ ស្នាក់នៅផ្ទះលេខ1071A ផ្លូវជាតិលេខ២ ភូមិតានូ សង្កាត់ចាក់អង្រែលើ ខណ្ឌមានជ័យ បានឲ្យដឹងថា មុនពេលកើតហេតុ គឺជនសង្ស័យខាងលើនេះបានមកសុំគាត់ចូលធ្វើការដោយសារ គាត់ខ្វះបុគ្គលិកផងនោះ ហើយអាណិតក្មេងស្រីនោះក៏ព្រមទទួលឲ្យចូលការនៅហាងស៊ុបគោរបស់គាត់នឹងឲ្យបាយទឹក២ពេល ប្រាក់ខែជាង100ដុល្លារ ខណៈពេលចូលធ្វើការហើយបាន២ថ្ងៃ មុនគាត់មានការរវល់មិនបានលក់ក៏បិទហាង លុះពេលដល់ថ្ងៃគាត់បើកហាងវិញក៏បាត់ស្រាបៀរអស់២កេះ និងឃើញយកមីហូបរាយពេញហាងរួមនឹងបាត់ទឹកអប់ដែលទុកបាញ់ម្រេចគង់វាលគាត់ក៏បានតាមដានឃើញជនសង្ស័យអត់មកធ្វើការ ហើយបែរជាទៅធ្វើការនៅកន្លែង ទើបគាត់ចាប់ខ្លួន រួចក៏នាំទៅឲ្យសន្តិសុខកោះពេជ្រឆែកកាបូបមើលឃើញទឹកអប់២ទៅ៣ដបដែលគាត់ទុកបាញ់ឲ្យម្រេញគង់វាល ភ្លាមៗនោះដែលក៏នាំខ្លួនមកប៉ុស្តិ៍ទន្លេ
បាសាក់ ដើម្បីឲ្យសមត្ថកិច្ចសួរនាំ ។
ក្រោយពេលកើតហេតុម្ចាស់ហាងស៊ុបគោមហាលាបគាត់អាណិតក្មេងស្រីនោះ មិនបានដាក់ពាក្យបណ្តឹងនោះទេ គ្រាន់តែឲ្យសមត្ថកិច្ចធ្វើការអប់រំ រួចដោះលែងឲ្យត្រឡប់ទៅវិញ ៕
ចែករំលែកព័តមាននេះ