ខេត្តបាត់ដំបង ៖ សមត្ថកិច្ចបានឱ្យដឹងថា ជនមិនស្គាល់មុខបានលួចរថយន្តមួយគ្រឿង ដែលគេសនិ្នដ្ឋានថា អាចកើតឡើងនៅម៉ោង០២រំលងអធ្រាត្រ ឈានចូលថ្ងៃ២៤ មេសា ស្ថិតនៅក្បែរផ្សារមោងថ្មី ដែលម្ចាស់ចតទុកនៅខាងមុខផ្ទះ ក្នុងភូមិមោង ឃំុមោង ស្រុកមោងប្ញស្សី។
សមត្ថកិច្ចបានឱ្យដឹងទៀតថា រថយន្តនោះម៉ាកកាមរី (បាឡែន) ពណ៌ទឹកប្រាក់ ស៊េរី២០០២ ពាក់ស្លាកលេខ ភ្នំពេញ2W-8503 ដែលមានម្ចាស់ឈ្មោះផេង សេង ភេទប្រុស អាយុ៣៨ឆ្នាំ រស់នៅភូមិមោង ឃំុមោងស្រុកមោងប្ញស្សី ។
បើតាមម្ចាស់រថយន្តបានបំភ្លឺប្រាប់សមត្ថកិច្ចថា ពេលងើបពីដំណេកចេញមកក្រៅ ស្រាប់តែមិនឃើញរថយន្តដែលគាត់ចតទុកនៅខាងមុខផ្ទះ ទើបមានការភ្ញាក់ផ្អើល និងប្ដឹងទៅសមត្ថកិច្ចតែម្ដងទៅ ។ គាត់សង្ស័យចោរ បានលួយយករថយន្តគាត់នៅវេលារំលងអធ្រាត្រ ដែលពេលស្ងាត់មនុស្សធ្វើដំណើរ ។
សមត្ថកិច្ចបានបញ្ជាក់ថា គេមិនទាន់មានតម្រុយអំពីមុខសញ្ញាជនប្រព្រឹត្តនោះនៅឡើយទេ ហើយពេលនេះមន្ត្រីជំនាញកំពុងធ្វើការសួរនាំជនរងគ្រោះ និងស្រាវជ្រាវស្វែងរកមុខសញ្ញាជនសង្ស័យ ។
ព័ត៌មានលម្អឹតមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ