ខេត្តកណ្តាល ៖ គ្រោះថ្នាក់ចរាចរណ៍មួយបានកើតឡើងដោយសារអ្នកបើកបររថយន្តបើកបរខ្វះការប្រុងប្រយ័ត្ន ទើបបណ្តាលឲ្យទៅបុកផ្លាកប៉ាណូអបអរឆ្នាំថ្មីរបស់សាលាក្រុងតាខ្មៅ រងការខូចខាត និងរបួសមនុស្សពីរនាក់មានធ្ងន់ និងស្រាល ។ ហេតុការណ៍បានកើតឡើងនៅវេលាម៉ោង១៨និង០៥នាទី ថ្ងៃទី២៣…
ខេត្តកណ្តាល ៖ គ្រោះថ្នាក់ចរាចរណ៍មួយបានកើតឡើងដោយសារអ្នកបើកបររថយន្តបើកបរខ្វះការប្រុងប្រយ័ត្ន ទើបបណ្តាលឲ្យទៅបុកផ្លាកប៉ាណូអបអរឆ្នាំថ្មីរបស់សាលាក្រុងតាខ្មៅ រងការខូចខាត និងរបួសមនុស្សពីរនាក់មានធ្ងន់ និងស្រាល ។ ហេតុការណ៍បានកើតឡើងនៅវេលាម៉ោង១៨និង០៥នាទី ថ្ងៃទី២៣ ខែមេសា ឆ្នាំ២០១៨ នៅចំណុចរង្វង់មូលព្រែកសំរោង លើផ្លូវ115 ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល ។
លោកវរសេនីយ៍ស កែវពិសិដ្ឋ អធិការនគរបាលក្រុងតាខ្មៅបានឲ្យដឹងថា ជនរងគ្រោះទី១- ឈ្មោះ រស់ វិសាល ភេទប្រុស អាយុ២៥ឆ្នាំ នឹងអ្នករួមដំណើរពីក្រោយម៉ូតូឈ្មោះ រស់ សាក់ ភេទប្រុស អាយុ១៩ឆ្នាំ អ្នកទាំងពីរ មានទីលំនៅភូមិគ្រួស ឃុំអង្កាញ់ ស្រុកបាភ្នំ ខេត្តព្រៃវែង ។
លោកអធិការបញ្ជាក់ថា គ្រោះថ្នាក់ចរាចរណ៍មួយបានកើតឡើងរវាងរថយន្ត ពណ៌ត្រេអ៊ី ពាក់ផ្លាកលេខ ខេមរភូមិន្ទ 3-1479 អ្នកបើកបរមិនស្គាល់អត្តសញ្ញាណ (គេចបាត់) បើកបរក្នុងទិសដៅពីកើតមកលិច លុះមកដល់ចំណុចខាងលើក៏បានបុកផ្លាកប៉ាណូអបអរឆ្នាំថ្មីរបស់សាលាក្រុងតាខ្មៅ បណ្តាលឲ្យបាក់ រួចផ្លាកប៉ាណូបានអូសជាប់តាមរថយន្តទៅប៉ះម៉ូតូ C125 ពណ៌ខ្មៅ ពាក់ស្លាកលេខ ភ្នំពេញ 1GP-8815 (មានមួកតែគ្មានកញ្ចក់មើលក្រោយ) បើកបរក្នុងទិសដៅពីកើតមកលិច អ្នកបើកបរឈ្មោះ រស់ វិសាល ភេទប្រុស អាយុ២៥ឆ្នាំ (របួសធ្ងន់)មានទីលំនៅភូមិគ្រួស ឃុំអង្កាញ់ ស្រុកបាភ្នំ ខេត្តព្រៃវែងនឹងអ្នករួមដំណើរពីក្រោយម៉ូតូឈ្មោះ រស់ សាក់ ភេទប្រុស អាយុ១៩ឆ្នាំ មានទីលំនៅភូមិឃុំជាមួយគ្នា រងរបួសស្រាលត្រូវបានរថយន្តរបស់ស្នងការដ្ឋានខេត្តដឹកយកទៅព្យាបាលនៅមន្ទីរពេទ្យបង្អែកជ័យជំនះ ។
ចំណែកមធ្យោយបាយទាំង២ ត្រូវបានសមត្ថកិច្ចជំនាញឃាត់យកមកអធិការដ្ឋាននគរបាលក្រុងតាខ្មៅ ដើម្បីកសាងសំណុំរឿងតាមនីតិវិធី ៕
ចែករំលែកព័តមាននេះ