រាជធានីភ្នំពេញ ៖ ទោះបីជាក្រុមប្រឆាំងនៅក្រៅប្រទេស ទាមទារឲ្យមានការចរចាផ្នែក នយោបាយយ៉ាងណាក្តី គណបក្សកាន់អំណាចប្រកាសដាច់ណាត់ថា គ្មានការចរចាឡើយរឿង នយោបាយជាមួយក្រុមប្រឆាំងនោះ។ នេះបើតាមអ្នកនាំពាក្យគណបក្សកាន់អំណាច លោក…
រាជធានីភ្នំពេញ ៖ ទោះបីជាក្រុមប្រឆាំងនៅក្រៅប្រទេស ទាមទារឲ្យមានការចរចាផ្នែក នយោបាយយ៉ាងណាក្តី គណបក្សកាន់អំណាចប្រកាសដាច់ណាត់ថា គ្មានការចរចាឡើយរឿង នយោបាយជាមួយក្រុមប្រឆាំងនោះ។ នេះបើតាមអ្នកនាំពាក្យគណបក្សកាន់អំណាច លោក សុខឥសាន បានឲ្យដឹងនៅថ្ងៃទី២៣ ខែមេសានេះថា គ្មានឡើយការចរចានយោបាយនោះ។ នៅពេលដែលការបោះឆ្នោតជ្រើសតាំងតំណាងរាស្ត្រនីតិកាលទី៦ កំពុងឈានមកដល់ នាពេលឆាប់ៗនេះ លោក សម រង្សី និងបក្ខពួកដែលជាឧទ្ទាមក្រៅច្បាប់ កំពុងតែដេកយល់សុបិន និងរវើរវាយកាន់តែខ្លាំងឡើដែរ។ ដោយនឹកគិតថា អាចនឹងមានការចរចានយោបាយណាមួយ ដើម្បីបានរួចខ្លួន និងមានមុខក្នុងការបោះឆ្នោតទៀតផង។ លោកបញ្ជាក់ថា «នេះអាចចាត់ទុកជាការយល់ច្រឡំដ៏ធំរបស់ សម រង្សី និងបក្ខពួកដែលហ៊ានយកពាក្យនេះ មកលាតត្រដាងដោយអត្តនោម័តប្រាប់សាធារណៈជននៅក្រៅប្រទេសឲ្យយល់ច្រឡំ ដើម្បីឆ្លៀតឱកាសរៃអង្គាសលុយកាក់បន្ថែមទៀតតែប៉ុណ្ណោះ »។
លោកបន្តថា ការស្រមើស្រមៃ បែបរវើរវាយដូចមនុស្សកើតគ្រុនចាញ់ និងគ្រុនសន្ធំនោះមិនអាចក្លាយទៅជាការពិតឡើយ ជាពិសេសនៅក្នុងដំណាក់កាល ដែលក្រុមឧទ្ទាមដឹកនាំដោយទណ្ឌិត សម រង្សី កំពុងទទួលបរាជ័យផ្ទួនៗ ក្នុងការដើរទៅកៀងគរឲ្យបរទេសមកដាក់ការ គាបសង្កត់ លើរាជរដ្ឋាភិបាលកម្ពុជា និងកាត់ជំនួយផ្សេងៗ មិនបានផលសោះនោះ។ ដូច្នេះ ទោះបីលោក សម រង្សី ខិតខំនិយាយយ៉ាងណាជារឿងរបស់គាត់នេះ តែការពិតគឺអត់មានដាច់ខាត ការចរចានយោបាយណាមួយជាមួយពួកឧទ្ទាមក្រៅច្បាប់ និ ងអត់មានអតីតបក្សប្រឆាំង ចូលរួមក្នុងការបោះឆ្នោតនាពេលខាងមុខឆាប់ៗនេះឡើយ។ ការលើកឡើងរបស់ អ្នកនាំពាក្យគណបក្សកាន់អំណាចនេះ បន្ទាប់ពីលោក សម រង្ស៊ី អតីតប្រធានគណបក្ស សង្គ្រោះជាតិអះអាងថា សហរដ្ឋអាមេរិក សហគមន៍អឺរ៉ុប បានដាក់គំនាប ដើម្បី ឲ្យដំណើរការលិទ្ធិប្រជាធិបតេយ្យនៅកម្ពុជាដំណើរការរលូនទៅវិញ ដោយមានការដោះលែង លោក កឹម សុខា មានគណបក្សសង្គ្រោះជាតិចូលរួមបោះឆ្នោតជាដើម។
លោកបន្តថា បណ្តាប្រទេសផ្សេងៗទៀតកំពុងតែគិតជំរុញឲ្យកម្ពុជាមានការបោះឆ្នោតត្រឹមត្រូវនៅពេលខាងមុខនេះ។ យ៉ាងណាក្តីការលើកឡើងនេះត្រូវបានអ្នកនាំពាក្យគណបក្សកាន់អំណាចធ្លាប់លើកឡើងថា បរទេសមិនអាចលូកដៃចូលកិច្ចការផ្ទៃក្នុងកម្ពុជានោះទេ។ លោក សម រង្ស៊ី ក៏បានទទួលឲ្យមានការចរចាជាមួយគណបក្សប្រជាជនកម្ពុជា ដោយមានភាគីបរទេស មកចូលរួមទទួលស្គាល់ផងដែរ។ លោកក៏បានស្នើឲ្យមានការលើកថ្ងៃបោះឆ្នោតផងដែរ។ ប៉ុន្តែលើកឡើងនេះត្រូវបានរាជរដ្ឋាភិបាលបានកំណត់រួចហើយសម្រាប់ការបោះឆ្នោតជ្រើសរើសអ្នកតំណាងរាស្ត្រនីតិកាលទី៦ ខាងមុខនេះ នៅថ្ងៃទី២៩ ខែកក្កដា ឆ្នាំ២០១៨នេះ រួចហើយទៅ៕
ចែករំលែកព័តមាននេះ