ចិន ៖ តាមប្រភពព័ត៌មាន Medium បានឲ្យដឹងថា បុគ្គលិកប្រមូលសំរាមម្នាក់ មានសមត្ថភាពអាចរកចិញ្ចៀនពេជ្រដែលបាត់បង់ក្នុងសំរាម៤តោនបាន ដោយប្រើពេលត្រឹមតែ១០នាទី។ កាលពីសប្តាហ៍មុន ម្ចាស់ហាងពេជ្រមួយកន្លែងនៅសៀងហៃ…
ចិន ៖ តាមប្រភពព័ត៌មាន Medium បានឲ្យដឹងថា បុគ្គលិកប្រមូលសំរាមម្នាក់ មានសមត្ថភាពអាចរកចិញ្ចៀនពេជ្រដែលបាត់បង់ក្នុងសំរាម៤តោនបាន ដោយប្រើពេលត្រឹមតែ១០នាទី។
កាលពីសប្តាហ៍មុន ម្ចាស់ហាងពេជ្រមួយកន្លែងនៅសៀងហៃ ឈ្មោះ Huang បានបាត់ចិញ្ចៀនពេជ្រមួយវង់ ដែលមានពេជ្រទំហំ២ការ៉ាត់ តម្លៃ១៦០០០ដុល្លារ ដោយដឹងថា ជ្រុះចូលក្នុងសំរាម។ ជាអកុសល សំរាមត្រូវបានគេប្រមូលបាត់ទៅហើយ។ ភ្លាមៗនោះ លោក Huang បានទៅសួរខាងស្នាក់ការប្រមូលសំរាមឲ្យជួយរក។
លោក Yao Weiguo ដែលជាបុគ្គលិកប្រមូលសំរាមបានជួយរកចិញ្ចៀនមួយវង់នោះ ដោយ ទៅរកក្នុងគំនរសំរាមទម្ងន់ជាង៤តោន។ មុននឹងលោកទៅរក លោកបានប្រមើលមើលពីទីតាំងនៃសំរាម ធៀបទៅនឹងទីតាំងដែលម្ចាស់ហាងធ្វើបាត់។ ចុងក្រោយ លោកចំណាយពេលត្រឹមតែ១០នាទី ក៏ឃើញចិញ្ចៀនមួយវង់នោះពិតមែន។
ម្ចាស់ហាងសប្បាយចិត្តយ៉ាងខ្លាំង ហើយផ្តល់រង្វាន់ដល់ Yao ទៀត។ តែលោកប្រកែកមិនយក ដោយនិយាយថា៖ «ត្រឹមតែអាចរកឃើញវិញទៅល្អណាស់ហើយ។ ការជួយប្រជាជន គឺជាតួនាទីរបស់ខ្ញុំ»៕
ចែករំលែកព័តមាននេះ