នាព្រឹកថ្ងៃទី២៣ ខែមេសា ឆ្នាំ២០១៨ រដ្ឋបាលច្រកទ្វាអន្តរជាតិព្រំកម្ពុជា-ថៃ និងសមត្ថកិច្ចពាក់ព័ន្ធបានបើកអង្គប្រជុំដើម្បីធ្វើសេចក្ដីបញ្ជាក់ និងបំភ្លឺទៅកាន់សាធារណជនលើករណីធ្វើការតវ៉ាទាមទាររបស់បងប្អូនកម្មកររឺម៉ក់កង់បីដើម្បីដោះស្រាយបញ្ហាមួយចំនួនកាលពីថ្ងៃទី២១ ខែមេសា ឆ្នាំ២០១៨ ។ កិច្ចប្រជុំនេះប្រព្រឹត្តទៅនៅទីស្នាក់ការច្រកទ្វារអន្តរជាតិព្រំ និងមានសមាសភាព សមាជិក សមាជិកា គណៈកម្មការ ចូលរួមដូចជា ៖ ទី១-លោក ហុក សុផល និងលោក នាក់ ណាង តំណាងដ៏ខ្ពង់ខ្ពស់លោកជំទាវ បាន ស្រីមុំ អ្នកតំណាងរាស្ត្រមណ្ឌលប៉ៃលិន, ទី២-លោកឧត្ដមសេនីយ៍ត្រី ណុប សិរីយុទ្ធ ស្នងការរង តំណាងដ៏ខ្ពង់ខ្ពស់ឯកឧត្ដម ឧត្ដមសេនីយ៍ទោ ជា ចាន់ឌិន ស្នងការនគរបាលខេត្តប៉ៃលិន, ទី៣-លោក សុខ សាវុធ ប្រធានស្នាក់ការច្រកទ្វារអន្តរជាតិព្រំកម្ពុជា-ថៃ តំណាងដ៏ខ្ពង់ខ្ពស់រដ្ឋបាលសាលាខេត្តប៉ៃលិន និងលោក ទី ប៊ុនឡុង អនុប្រធានក្តាប់រួមការិយាល័យគយ និងរដ្ឋាករព្រំ ។
កិច្ចប្រជុំនេះទទួលបានលទ្ធផលដូចខាងក្រោម ៖
– ក្រុមកម្មករបានទទួលយកនូវអនុសាសន៍ទាំងស្រុងរបស់លោកជំទាវ អ្នកតំណាងរាស្ត្រ មណ្ឌលប៉ៃលិន
– សម្រេចឱ្យមានការជួបគ្នារវាងម្ចាស់ទំនិញ/ឈ្មួញកណ្តាល ជាមួយនិងសមត្ថកិច្ចជំនាញ (រដ្ឋាករគយច្រកទ្វារព្រំ)
– សមត្ថកិច្ចជំនាញពាក់ព័ន្ធទាំងអស់ត្រូវចេះជួយធ្វើការ សម្របសម្រួល រកមធ្យោបាយ បន្ថូរបន្ថយ និងអុគ្រោះគ្រប់ពេលដល់បងប្អូប្រជាពលរដ្ឋ ។
សេចក្តីបញ្ជាក់ ៖ បើតាមការអះអាងរបស់លោក សុខ សាវុធ ប្រធានច្រកទ្វារអន្តរជាតិព្រំបានប្រាប់ឱ្យដឹងថា ក្រុមការងាររបស់លោកនាពេលកន្លងមកគឺពុំដែលបានយកលុយពីបងប្អូន ប្រជាពលរដ្ឋ រឺកម្មករក្នុងមួយរឺម៉ក់ចំនួន៣០០បាតទៅ៤០០បាតនោះឡើយហើយក៏មិនអនុញ្ញាតិឱ្យមន្ត្រីក្រោមឱវាទរូបណាទៅយកលុយពីបងប្អូនប្រជាពលរដ្ឋ រឺក្រុមកម្មករដែលដឹកទំនិញតាមរឺម៉ក់កង់បីនោះផងដែរ ៕
ចែករំលែកព័តមាននេះ