ខេត្តបន្ទាយមានជ័យ ៖ ជនសង្ស័យម្នាក់នាំស្ត្រីសតិមិនគ្រប់ផឹកស្រាបៀអស់២កំប៉ុងស្រវឹងអូសដៃទៅរំលោភក្នុងបន្ទប់ទឹកម្តាយជនរងគ្រោះមកទាន់រត់គេចខ្លួន៩ថ្ងៃទើបចាប់បានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី២៣ ខែមេសា ឆ្នាំ២០១៨ ។ ជនសង្ស័យមានឈ្មោះ ហុក ចាន់ ភេទប្រុស អាយុ៤០ឆ្នាំ រស់នៅភូមិប្រជាធម្មលិច សង្កាត់-ក្រុងប៉ោយប៉ែត ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា កម្លាំងជំនាញកងរាជអាវុធហត្ថក្រុងប៉ោយប៉ែតបានទទួលបណ្តឹងស្ត្រីចំណាស់ម្នាក់អាយុ៦៣ឆ្នាំ រស់នៅភូមិប្រជាធម្មលិច សង្កាត់-ក្រុងប៉ោយប៉ែត បានប្តឹងជនសង្ស័យឈ្មោះ ហុក ចាន់ ដែលបានធ្វើសកម្មភាពចាប់ស្ត្រីជនរងគ្រោះអាយុ២៦ឆ្នាំ (ត្រូវជាកូន) ដែលមានសតិមិនប្រក្រតីក្នុងបន្ទប់ទឹកកាលពីថ្ងៃទី១៣ ខែមេសា ឆ្នាំ២០១៨ ភូមិប្រជាធម្មលិច សង្កាត់-ក្រុងប៉ោយប៉ែត ។
តាមសំដីស្ត្រីចំណាស់ត្រូវជាម្តាយប្រាប់ថា នៅពេលដែលបាត់ស្ត្រីរងគ្រោះបានដើររកស្រាប់តែឃើញជនសង្ស័យកំពុងធ្វើសកម្មភាពចាប់កូនស្រីរំលោភក្នុងបន្ទប់ទឹកដែលស្រាត់អស់សំលៀកបំពាក់ហើយចាប់អូសចេញបានស្រែកឱ្យអ្នកជិតខាងជួយ តែឆ្លៀតឱកាសជនសង្ស័យរត់គេចខ្លួនបាត់ ។
លោកវរៈសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តបានបញ្ជាក់ថា ក្រោយពេលទទួលបណ្តឹងហើយកម្លាំងកងរាជអាវុធហត្ថក្រុងប៉ោយប៉ែតបានធ្វើការស្រាវជ្រាវចាប់ខ្លួនជនសង្ស័យនៅថ្ងៃទី២២ ខែមេសា ឆ្នាំ២០១៨ នៅនឹងភូមិ ។ ក្រោយពេលឃាត់ជនសង្ស័យហើយបាននាំយកមកសាកសួរបានសារភាពថា ខ្លួនពិតជាបានរំលោភស្ត្រីរងគ្រោះតែមុនពេលរំលោភបានបបួលជនរងគ្រោះផឹកស៊ី២កំប៉ុងលូកអង្អែលនាងមានសម្រើបបានអូសដៃចូលបន្ទប់ទឹកកំពុងធ្វើសកម្មភាពរំលោភតែម្តាយជនរងគ្រោះទាន់រត់គេចខ្លួនត្រូវកម្លាំងកងរាជអាវុធហត្ថក្រុងចាប់បាន ៕
ចែករំលែកព័តមាននេះ