ប្រទេសម៉ិចស៊ិក ៖ យោងតាមតួលេខផ្លូវការមួយចេញផ្សាយកាលពីថ្ងៃទី២២ មេសា ថា នៅម៉ិចស៊ិក គេកត់សម្គាល់ឃើញការធ្វើឃាតមនុស្ស៧.៦៦៧នាក់ ក្នុងត្រីមាសទីមួយនៃឆ្នាំ២០១៨នេះ ដែលមានការកើនឡើងស្ទើរតែ២០% ក្នុងដំណាក់កាលដូចគ្នានេះនៃឆ្នាំ២០១៧…
ប្រទេសម៉ិចស៊ិក ៖ យោងតាមតួលេខផ្លូវការមួយចេញផ្សាយកាលពីថ្ងៃទី២២ មេសា ថា នៅម៉ិចស៊ិក គេកត់សម្គាល់ឃើញការធ្វើឃាតមនុស្ស៧.៦៦៧នាក់ ក្នុងត្រីមាសទីមួយនៃឆ្នាំ២០១៨នេះ ដែលមានការកើនឡើងស្ទើរតែ២០% ក្នុងដំណាក់កាលដូចគ្នានេះនៃឆ្នាំ២០១៧ ។ ទោះបីយ៉ាងណាឆ្នាំ២០១៧ ជាឆ្នាំដែលមានការសម្លាប់មនុស្សច្រើនបំផុត ។
យោងតាមប្រភពដដែលនេះថា ត្រីមាសទីមួយនៃឆ្នាំ២០១៧ មានការធ្វើឃាតមនុស្ស៦.៤០៦នាក់ នៅម៉ិចស៊ិក ។ អំពើហិង្សាក្នុងប្រទេសនេះ ព្រោះតែមានការកើនរីកសាយក្រុមជនដែលទាក់ទិនដល់ការរត់ពន្ធគ្រឿងញៀន ប៉ុន្តែក៏ទាក់ទិនផងដែរដល់ការលួចប្លន់ ការចាប់ពង្រត់មនុស្ស ព្រមទាំងបទឧក្រិដ្ឋឯទៀតៗ ។
សម្រាប់ខែមករា ឆ្នាំ២០១៨ អាជ្ញាធរកត់សម្គាល់ឃើញការធ្វើឃាតមនុស្ស២.៥៤៩នាក់ ហើយនាខែកុម្ភៈ មានការសម្លាប់មនុស្ស២.៣៨៩នាក់ ។ ខែមីនាមានការសម្លាប់មនុស្ស២.៧២៩នាក់ ភាគច្រើនដោយគ្រាប់កាំភ្លើង ។
ក្នុងឆ្នាំ២០១៧ នៅប្រទេសម៉ិចស៊ិកមានការសម្លាប់មនុស្សដល់ទៅ២៥.៣៣៩នាក់ ជាតួលេខខ្ពស់បំផុតពុំធ្លាប់មានតាំងពីចាប់ផ្តើមចេញផ្សាយស្ថិតិបែបនេះក្នុងកម្រិតជាតិពីឆ្នាំ១៩៩៧មក ។
ការកើនឡើងនៃអំពើហិង្សានេះកើតមាន ខណៈប្រទេសរៀបចំការបោះឆ្នោតប្រធានាធិបតីនាថ្ងៃទី១ កក្កដា ។ សភាទាំង២ ក៏ត្រូវបោះឆ្នោតជ្រើសតាំងថ្មីដែរក៏ដូចជាអភិបាលក្រុង និងរដ្ឋ ៕
ចែករំលែកព័តមាននេះ