ខេត្តកំពង់ធំ ៖ យុវជនម្នាក់ត្រូវបានសមត្ថកិច្ចឃាត់ពីបទរំលោភសេពសន្ថវ:ទៅលើអនីតិជន បន្ទាប់ពីទទួលបណ្តឹងពីម្តាយជនរងគ្រោះ នៅម៉ោង២និង៤០នាទីរសៀលថ្ងៃទី២២ ខែមេសា ឆ្នាំ២០១៨ នៅស្រុកបារាយណ៍ ។ លោកវរៈសេនីយ៍ឯក…
ខេត្តកំពង់ធំ ៖ យុវជនម្នាក់ត្រូវបានសមត្ថកិច្ចឃាត់ពីបទរំលោភសេពសន្ថវ:ទៅលើអនីតិជន បន្ទាប់ពីទទួលបណ្តឹងពីម្តាយជនរងគ្រោះ នៅម៉ោង២និង៤០នាទីរសៀលថ្ងៃទី២២ ខែមេសា ឆ្នាំ២០១៨ នៅស្រុកបារាយណ៍ ។
លោកវរៈសេនីយ៍ឯក សួង ថេន អធិការនគរបាលស្រុកបារាយណ៍ប្រាប់ថា ជនសង្ស័យឈ្មោះ សួន ស្រេងហុង ភេទប្រុស អាយុ១៩ឆ្នាំ រស់នៅ ឃុំទ្រៀល ស្រុកបារាយណ៍ ហើយត្រូវបានសមត្ថកិច្ចធ្វើការឃាត់ខ្លួនបាននៅម៉ោង២និង៤០នាទីរសៀលថ្ងៃទី២២ ខែមេសា ឆ្នាំ២០១៨ ។ រីឯក្មេងស្រីរងគ្រោះមានអាយុ១៤ឆ្នាំ ។
ដោយយោងតាមពាក្យបណ្តឹងរបស់ម្តាយជនរងគ្រោះប្រាប់ថា មុនពេលកើតហេតុជនរងគ្រោះកូនរបស់គាត់ នាងបានទៅស៊ីការគេនៅក្នុងភូមិទ្រៀល ហើយបានជួបជាមួយជនសង្ស័យ និងបាននិយាយឲ្យជនសង្ស័យជូនទៅផ្ទះ ដើម្បីផ្លាស់សំលៀកបំពាក់ រួចជនសង្ស័យក៏បានឌុបនាងទៅផឹកទឹកត្នោតជូរ នៅតូបលក់ត្នោតមួយកន្លែង ។
បន្ទាប់មកជនសង្ស័យបានដឹកដៃនាងទៅខាងក្រោយតូបលក់ទឹកត្នោតជូរ ហើយក៏បានធ្វើសកម្មភាពដោយយកម្រាមដៃលូកចូលប្រដាប់ភេទរបស់នាង រួចពេលនោះនាងក៏ត្រឡប់ទៅផ្ទះវិញ ។ ចំណែកជនសង្ស័យនៅផឹកត្នោតជូរបន្តរទៀត ពេលនាងទៅដល់ផ្ទះនាងក៏និយាយរឿងនេះប្រាប់ម្តាយរបស់នាង លុះថ្ងៃទី២២ ខែមេសានេះម្តាយជនរងគ្រោះមកដាក់បណ្ដឹង នៅប៉ុស្ដិ៍ទ្រៀលឲ្យឃាត់ជនសង្ស័យតែម្ដង ។
នៅចំពោះមុខសមត្ថកិច្ចជនសង្ស័យបានសារភាពថា រូបគេពិតជាបានធ្វើយ៉ាងដូច្នេះមែន ដោយសារតែរូបគេ និងនាងធ្លាប់មានទំនាក់ទំនងនឹងគ្នា មិនមែនជាការចាប់បង្ខំនោះឡើយ បើសិនជានាងមិនព្រម ហើយមិនធ្លាប់ស្រលាញ់គ្នានោះ នាងស្រែកហើយ ហើយក៏មិនឲ្យរូបគេឌុបទៅផ្ទះ រួចសុខចិត្តមកផឹកទឹកត្នោយជូជាមួយគេនោះដែរ ។
ចម្លើយសារភាពយ៉ាងណាក្តី តែសមត្ថកិច្ចនៅពេលដែលទទួលបានពាក្យបណ្តឹងពីជនរងគ្រោះត្រូវតែចាត់វិធានការ ជនសង្ស័យត្រូវបានឃាត់នៅអធិការដ្ឋាននគរបាលស្រុក ដើម្បីកសាងសំណុររឿងតាមនីតិវិធីច្បាប់ ៕
ចែករំលែកព័តមាននេះ