ខេត្តព្រះសីហនុ ៖ លោក ដេត ណូ ប្រធានមន្ទីរវប្បធម៌និងវិចិត្រសីល្បៈខេត្តព្រះសីហនុឱ្យដឹងថា នៅថ្ងៃទី២០ ខែមេសា លោកបានសហការជាមួយប្រធានមន្ទីរធម្មការនិងសាសនាខេត្ត ព្រមទាំងសមត្ថកិច្ចមូលដ្ឋាន ចុះទៅពិនិត្យរូបព្រះបដិមាមួយអង្គធ្វើពីឈើខ្លឹម ដែលព្រះសង្ឃ គណៈកម្មការអាចារ្យវត្តកែវឧត្តមស្ថិតនៅឃុំសាមគ្គី ស្រុកព្រៃនប់ខេត្ត ជីកស្រះទឹកប្រទះឃើញកាលពីពេលថ្មីៗនេះ ។
តាមការត្រួតពិនិត្យបឋមមានការសន្និដ្ឋានថា ព្រះបដិមាធ្វើអំពីឈើខ្លឹមនេះ ទំនងស្ថិតក្នុងរចនាបថសម័យលង្វែកដែលមានអាយុកាលជាង២០០ឆ្នាំមកហើយ ។
លោកប្រធានមន្ទីរវប្បធម៌បញ្ជាក់បន្ថែមថា ទោះជាយ៉ាងនេះមន្ត្រីជំនាញខាងមន្ទីរវប្បធម៌នឹងចុះត្រួតពិនិត្យម្តងទៀតដើម្បីកំណត់អត្តសញ្ញាណច្បាស់លាស់អំពីរចនាបថរបស់ព្រះបដិមានេះ ទុកជាសម្បត្តិគរុភណ្ឌរបស់ជាតិ ៕
ចែករំលែកព័តមាននេះ