រាជធានីភ្នំពេញ ៖ រថយន្តស៊េរីទំនើបមួយគ្រឿង ត្រូវបានគេឃើញក្រឡាប់ផ្ងារជើង ហើយបង្កការភ្ញាក់ផ្អើលផងដែរ ខណៈរថយន្តនោះកំពុងថតកុននៅផ្លូវ៦០ម៉ែត្រ ស្ថិតក្នុងភូមិព្រែកតាឡុង សង្កាត់ចាក់អង្រែលើ ខណ្ឌមានជ័យ កាលពីវេលាម៉ោង១០ព្រឹក…
រាជធានីភ្នំពេញ ៖ រថយន្តស៊េរីទំនើបមួយគ្រឿង ត្រូវបានគេឃើញក្រឡាប់ផ្ងារជើង ហើយបង្កការភ្ញាក់ផ្អើលផងដែរ ខណៈរថយន្តនោះកំពុងថតកុននៅផ្លូវ៦០ម៉ែត្រ ស្ថិតក្នុងភូមិព្រែកតាឡុង សង្កាត់ចាក់អង្រែលើ ខណ្ឌមានជ័យ កាលពីវេលាម៉ោង១០ព្រឹក ថ្ងៃទី២០ មេសា ។
រថយន្តខាងលើ ម៉ាក Ford Ranger ពណ៌.ស ពាក់ស្លាកលេខភ្នំពេញ 2A-2299 ។ តាមប្រភពពីអ្នកឃើញហេតុការណ៍នោះឱ្យដឹងថា នៅវេលាខាងលើ គេឃើញអ្នកសម្តែងមួយក្រុមមានទាំងកាមេរ៉ាថត រួមជាមួយរថយន្ត៤-៥គ្រឿង បាននាំគ្នាមកថតឈុតឆាកភាពយន្តមួយនៅចំណុចផ្លូវខាងលើ ។ ឈុតដែលថតនោះ តម្រូវឱ្យរថយន្ត Ford ខាងលើបើកលឿន ហើយបួងចង្កូតត្រឡប់ក្រោយវិញ ប៉ុន្តែដោយសារអ្នកបើកបរធ្វេសប្រហែស ឬប្រហែលមិនស្ទាត់ជំនាញ ឬខុសបច្ចេកទេស ទើបក្រឡាប់ផ្ងារជើងទ្រមេឃតែ
ម្តង ។ ក្នុងហេតុការណ៍នេះ មិនមានបណ្តាលឱ្យមនុស្សណាម្នាក់រងរបួសធំដុំទេ គ្រាន់តែខូចខាតរថយន្តប៉ុណ្ណោះ ។
ក្រោយកើតហេតុ តំណាងម្ចាស់រថយន្តរងគ្រោះបានទំនាក់ទំនងហៅរថយន្តស្ទូចឱ្យមកស្ទូចយកចេញពីទីតាំងខាងលើដោយខ្លួនឯង មិនបានរំខានដល់នគរបាលទេ ។ គេមិនទាន់ដឹងថា ការថតឈុតភាពយន្តខាងលើនេះ ជាការថតរឿងភាគ ឬថតចម្រៀងកាយវិការ ឬក៏ថតស្ប៉តពាណិជ្ជកម្មនោះទេ ហើយក៏មិនដឹងថាជាក្រុមរបស់ផលិតកម្មណាមួយដែរ ៕
ចែករំលែកព័តមាននេះ