សារព័ត៌មានបរទេសកាលពីពេល ថ្មីៗកន្លងមកផ្សាយថា ប៉ូលិសនៅក្រុងកូលកាតា រដ្ឋ«Bengal» ប្រទេសឥណ្ឌាបានចាប់ខ្លួនលោក Shubhabrata Majumdar ជាជនសង្ស័យដែលប្រើសារធាតុគីមីធ្វើម៉ាំមី និងលាក់សពម្ដាយទុកនៅក្នុងទូទឹកកក តាំងពីស្លាប់នៅខែមេសា២០១៥មក ។
ប៉ូលិសបានចូលឆែកឆេរផ្ទះរបស់លោក Majumdar ក្រោយពីទទួលដំណឹងពីទូរស័ព្ទមួយកាលពីថ្ងៃទី៤ មេសា ២០១៨ ។ នៅក្នុងផ្ទះប្រទះឃើញសពស្ត្រីម្នាក់នៅក្នុងទូទឹកកកធំ មានទ្រង់ទ្រាយល្អដោយដាក់សារធាតុគីមី ។ ក្រៅពីនេះប៉ូលិសប្រទះឃើញក្រឡទុកអវយវៈមនុស្សមួយចំនួនទៀត ។
ក្នុងដំណាក់កាលដំបូងប៉ូលិសបានកត់សម្គាល់ថា លោក Majumdar អាចរក្សាទុកសពម្ដាយ ដើម្បីទទួលប្រាក់ចូលនិវត្តន៍ ទោះបីជាគាត់ស្លាប់ក៏ដោយ ។
ម្យ៉ាងទៀតប៉ូលិសយល់ថា បុរសរូបនេះមានជំនឿថា ម្ដាយរបស់គេអាចមកចាប់ជាតិជាថ្មី ប្រសិនបើរូបរាងរបស់គាត់ត្រូវរក្សាទុក ។ ប៉ូលិសបានបញ្ជាក់បន្តទៀតថា ជននេះបានបម្រើការងារជាអ្នកជំនាញផ្នែកបច្ចេកវិទ្យាក្នុងខ្សែភាពយន្ត (leather technologist) អាចជាផ្នែកមួយធ្វើឲ្យគេរកសារធាតុគីមីដែលចាំបាច់ក្នុងការធ្វើម៉ាំមីសពម្ដាយ ៕
ចែករំលែកព័តមាននេះ