រាជធានីភ្នំពេញ ៖ បុរសម្នាក់ផឹកស៊ីស្រវឹងរករឿងឈ្លោះប្រកែកជាមួយប្រពន្ធខឹងខ្លាំងពេកគំរាមដុតផ្ទះចោល ប្រជាពលរដ្ឋភ័យខ្លាចប្តឹងសមត្ថកិច្ចនាំបុរសខាងលើធ្វើការអប់រំតែបុរសខាងលើមិនចេញមុខដោះស្រាយបែរជាពួនក្នុងផ្ទះត្រូវប្រពន្ធចេញមុខដោះស្រាយបង្កឱ្យមានការភ្ញាក់ផ្អើលកាលវេលាម៉ោង១០យប់ ថ្ងៃទី២២ ខែមេសា ឆ្នាំ២០១៨ នៅផ្ទះជួលភូមិត្រពាំងពោធិ៍ សង្កាត់ចោមចៅ៣ ខណ្ឌពោធិ៍សែនជ័យ ។ ជនបង្កឈ្មោះ ស.វ.ណ ភេទប្រុស អាយុ៥៣ឆ្នាំ មុខរបរលក់ដូរចាប់ហួយ ចំណែកប្រពន្ធឈ្មោះ វ.ល.ណ អាយុ៥៣ឆ្នាំ រស់នៅផ្ទះជួលភូមិកើតហេតុខាងលើ ។
តាមប្រភពព័ត៌មានពីអ្នកជិតខាងបានឱ្យដឹងថា អ្នកមុនពេលកើតហេតុពួកគាត់បានឃើញជនបង្កបានផឹកស៊ីជាមួយអ្នកផ្ទះជួលជិតកន្លែងកើតហេតុហើយបានឈ្លោះប្រកែកគ្នាជាមួយអ្នកផឹកស៊ីជាមួយគ្នាម្ដងរួចទៅហើយ បន្ទាប់មកបុរសខាងលើបានតាំងជាមួយប្រពន្ធបានឈ្លោះប្រកែកគ្នាយ៉ាងតឹងសរសៃ.ក បន្ទាប់មក ស្រាប់តែបុរសខាងលើបានយកសាំងបំរុងដុតផ្ទះចោលធ្វើឲ្យប្រជាពរដ្ឋមានការភិតភ័យខ្លាចឆេះរាលដាលដល់បន្ទប់ជួលដែលនៅជិតកន្លែងកើតហេតុ នៅពេលនោះដែរប្រពន្ធរបស់ជនបង្កខាងលើឃើញប្ដីយកប្រេងសាំងចាក់លើគំនរដូងបន្ទាប់មកស្ត្រីជាប្រពន្ធបានយកស្រាមកចាក់លើសាំងកុំឱ្យប្តីដុតឆេះ ។
ស្ត្រីជាប្រពន្ធរបស់ជនបង្កបានឲ្យដឹងថា នៅមុនពេលកើតហេតុប្ដីរបស់គាត់ និងកូនប្រុសរបស់គាត់បានផឹកស៊ីជាមួយអ្នកជិតខាងជិតផ្ទះជួលខ្លួនមកបានផឹកស៊ីស្រវឹងហើយមករករឿងឈ្លោះប្រកែកជាមួយគាត់ ហើយបន្ទាប់មកប្ដីរបស់គាត់បម្រុងដុតផ្ទះចោលដោយយកស្រាចាក់លើគំនរដូងមិនមែនយកប្រេងសាំងចាក់ទេ ។ ដោយសារតែមានពាក្យបណ្តឹងរបស់ប្រជាពលរដ្ឋហើយជនបង្កមិនហ៊ានចេញមុខដោះស្រាយជាមួយសមត្ថកិច្ច ទើបប្រពន្ធជាអ្នកចេញមុខធានាមិនឲ្យមានលើកក្រោយទៀតទេ ៕
ចែករំលែកព័តមាននេះ