រាជធានីភ្នំពេញ ៖ កម្លាំងនគរបាលផ្នែកប្រឆាំងគ្រឿងញៀន និងកម្លាំងនគរបាលផ្នែកអន្តរាគមន៍ នៃអធិការដ្ឋានខណ្ឌពោធិ៍សែនជ័យ បានចុះធ្វើការបង្ក្រាបការជួញដូរគ្រឿងញៀន ដោយឃាត់ខ្លួនជនសង្ស័យបានចំនួន២នាក់ ព្រមទាំងដកហូតថ្នាំញៀនប្រភេទម៉ាទឹកកកចំនួន២កញ្ចប់ធំផងដែរ។ ប្រតិបត្តិការនេះបានធ្វើឡើង កាលវេលាម៉ោង៩…
រាជធានីភ្នំពេញ ៖ កម្លាំងនគរបាលផ្នែកប្រឆាំងគ្រឿងញៀន និងកម្លាំងនគរបាលផ្នែកអន្តរាគមន៍ នៃអធិការដ្ឋានខណ្ឌពោធិ៍សែនជ័យ បានចុះធ្វើការបង្ក្រាបការជួញដូរគ្រឿងញៀន ដោយឃាត់ខ្លួនជនសង្ស័យបានចំនួន២នាក់ ព្រមទាំងដកហូតថ្នាំញៀនប្រភេទម៉ាទឹកកកចំនួន២កញ្ចប់ធំផងដែរ។ ប្រតិបត្តិការនេះបានធ្វើឡើង កាលវេលាម៉ោង៩ និង៣០ព្រឹក ថ្ងៃទី២១ ខែមេសា ឆ្នាំ២០១៨ នៅចំណុចតារាងបាល់ មួយកន្លែងដែលមានទីតាំងស្ថិតនៅក្នុងភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ។
នគរបាលបានឲ្យដឹងថា ជនសង្ស័យដែលត្រូវកម្លាំងនគរបាលចាប់ខ្លួននោះម្នាក់ឈ្មោះ ប៊ុន លាង អាយុ២៧ឆ្នាំ និងម្នាក់ទៀតឈ្មោះ សន សុជាតិ អាយុ២៤ឆ្នាំ អ្នកទាំង២មានមុខរបរ និងស្នាក់នៅមិនពិតប្រាកដ ហើយកម្លាំងដកហូតបានថ្នាំញៀនប្រភេទម៉ាទឹកកក ពីជនសង្ស័យបានចំនួន២កញ្ចប់ធំ។ នៅមុនពេលឈានដល់ការចុះបង្ក្រាបក្រុមជួញដូរគ្រឿងញៀនទាំងនេះ កម្លាំងនគរបាលផ្នែកប្រឆាំងគ្រឿងញៀន និងកម្លាំងនគរបាលផ្នែកអន្តរាគមន៍ នៃអធិការដ្ឋានខណ្ឌពោធិ៍សែនជ័យ។ បានធ្វើការស្រាវជ្រាវយូរមកហើយដែរ ក្រោយមកបានទទួលព័ត៌មានពីប្រជាពលរដ្ឋថា បានឃើញជនសង្ស័យខាងលើ ធ្វើសកម្មភាពជួញដូរគ្រឿងញៀនរាល់ថ្ងៃ។
ប្រភពដដែលបានបន្តទៀត ក្រោយស៊ើបអង្ករតដឹងច្បាស់ហើយ កម្លាំងនគរបាលខាងលើក៏បានចុះទៅធ្វើការបង្ក្រាប និងចាប់ខ្លួនជនសង្ស័យបានចំនួន២នាក់ ហើយបានឆែកឆេរ រកឃើញថ្នាំញៀនប្រភេទម៉ាទឹកកក២កញ្ចប់ធំ រួមជាមួយសម្ភារពាក់ព័ន្ធមួយចំនួនទៀតផងដែរ។ ប្រភពខាងលើបានបន្តទៀតថា ក្រោយចាប់ខ្លួនជនសង្ស័យទាំង២នាក់ រួមជាមួយវត្ថុតាង ត្រូវបាននាំទៅកាន់ផ្នែកប្រឆាំងគ្រឿងញៀន នៃអធិការនគរបាលខណ្ឌពោធិ៍សែនជ័យ ដើម្បីសាកសួរ និងកសាងសុំណុំរឿងបញ្ជូនទៅតុលាការចាត់ការតាមច្បាប់៕
ចែករំលែកព័តមាននេះ