ប្រទេសរុស្ស៊ី ៖ អ្នកទទួលខុសត្រូវម្នាក់របស់ក្រុមហ៊ុនផលិតឧទ្ធម្ភាគចក្ររុស្ស៊ីថ្លែងប្រាប់ SPUTNIK នាថ្ងៃទី២២ មេសា ថា ក្រុមហ៊ុននេះបានធ្វើការបង្ហោះសាកល្បងឧទ្ធម្ភាគ
ចក្រគ្មានមនុស្សបើកថ្មីរបស់ខ្លួនធុន VRT 300 ។
អ្នកទទួលខុសត្រូវរូបនេះគូសបញ្ជាក់ថា ពេលនេះយើងឃើញថា តួឧទ្ធម្ភាគចក្រមានភាពរឹងមាំខ្លាំងមានន័យថា យើងជ្រើសរើសត្រឹមត្រូវបណ្តាសម្ភារ និងបណ្តាលក្ខណៈសម្បត្តិនៃរចនាសម្ព័ន្ធរបស់វា ។ ក្រុមហ៊ុនឧទ្ធម្ភាគចក្ររុស្ស៊ីនឹងបញ្ចប់ការងារផលិតឧទ្ធម្ភាគចក្រនេះនាដំណាច់ឆ្នាំ២០១៩ ។ ឧទ្ធម្ភាគចក្រគ្មានមនុស្សបើកធុននេះត្រូវបានគេបញ្ជាទិញទុកមុនចំនួន១០០គ្រឿងរួចហើយ ដោយមានទាំងប្រទេសអារ៉ាប់២ផង ។
ឧទ្ធម្ភាគចក្រគ្មានមនុស្សបើកថ្មីរុស្ស៊ីមានលក្ខណៈបច្ចេកទេសដូចតទៅ ៖ មានទម្ងន់ពេលហោះច្រើនបំផុត៣០០គីឡូក្រាម ជាមួយការផ្ទុះទម្ងន់៧០គីឡូក្រាម អាចហោះហើរបាន៦ម៉ោង និងមានល្បឿន១៨០គីឡូម៉ែត្រ ក្នុង១ម៉ោង ។ វាអាចហោះហើរក្នុងគ្រប់
ស្ថានភាពឧតុនិយម ទាំងពេលថ្ងៃក៏ដូចជាពេលយប់ ក្រោមសីតុណ្ហភាព៤០អង្សាសេក្រោមសូន្យ និងក្រោមកំដៅជាង៥០អង្សាសេ ៕
ចែករំលែកព័តមាននេះ