ប្រទេសក្រិក ៖ ទីភ្នាក់ងារព័ត៌មានក្រិក AMNA រាយការណ៍ថា មនុស្ស២នាក់ដែលជិះក្នុងយន្តហោះតូចមួយហើយធ្លាក់កាលពីថ្ងៃទី២១ មេសា នៅភាគកណ្តាលប្រទេសក្រិកបានស្លាប់ ។ យន្តហោះនេះធ្លាក់ជិតភូមិ SKALOMA FOKIDAS ចម្ងាយប្រមាណជា២០០គីឡូម៉ែត្រភាគឦសានទីក្រុងអាថែន ។
មុននេះក្រុមអ្នកជួយសង្គ្រោះក្រិករាយការណ៍ពីការរកឃើញសាកសពមនុស្សម្នាក់ ហើយមនុស្សម្នាក់ទៀតរងរបួសបញ្ជូនទៅមន្ទីរពេទ្យមួយ ដែលនៅជិត ។ ដោយសាររបួសធ្ងន់ពេកមនុស្សនោះក៏ស្លាប់ដែរ ។
យោងតាម AMNA ថា យន្តហោះតូចនេះហោះចាកចេញពីទីក្រុង KASTRO EVOIAS ឆ្ពោះទៅកាន់ក្រុង MESSOLONGHI ស្ថិតនៅចម្ងាយប៉ុន្មានគីឡូម៉ែត្រខាងលិចតំបន់ភ្នំ ដែលជាកន្លែងធ្លាក់ពេលមានខ្យល់ខ្លាំងនៅទីនោះ ។
សាក្សីទាំងឡាយនិយាយថា អ្នកបើកយន្តហោះនេះប៉ុនប៉ងចៀសវាងកុំឱ្យវាធ្លាក់ តែពុំអាចចៀសរួច ។ យន្តហោះតូចជួបគ្រោះថ្នាក់នេះធុន PIPER ៕
ចែករំលែកព័តមាននេះ