ខេត្តបន្ទាយមានជ័យ ៖ ប្រជាពលរដ្ឋប្រមាណជិត៥០នាក់មានកាំបិត ពូថៅ នាំគ្នាការពារដីដែលបែងចែកសម័យសមាហរណកម្មនៅពេលដីមានហាងឆេងមានក្រុមឆ្លៀតឱកាសលួចបោះបង្គោល ។ ជាក់ស្តែងនៅរសៀលថ្ងៃទី២០ ខែមេសា ឆ្នាំ២០១៨ ឃើញមានប្រជាពលរដ្ឋ១ក្រុមប្រមាណជិត៥០នាក់មានកាំបិត ពូថៅ ដំបង គ្រប់ដៃបាននាំគ្នាការពារដីធ្លីនាំគ្នាការពារទាំងយប់ថ្ងៃស្ថិតភូមិបន្ទាយទីមួយ ឃុំទួលពង្រ ស្រុកម៉ាឡៃ ។
តំណាងប្រជាពលរដ្ឋមានឈ្មោះ អ៊ឹង មុន និងឈ្មោះ ឡាច ថេន បានប្រាប់ថា មូលហេតុដែលពួកគាត់នាំគ្នាមានកាំបិត ពូថៅ ដំបង គ្រប់ដៃនេះដើម្បីការពារដីធ្លីទាំងយប់ និងថ្ងៃដែលការពារក្រុមឆ្លៀតឱកាសធ្វើអាណាធិបតេយ្យប្រមាណ៨នាក់លួចបោះបង្គោលើដីប្រជាពលរដ្ឋចំនួន២១គ្រួសារដែលមានផ្ទៃដី ១.៣៣៧.៧៩៨ ម៉ែត្រការ៉េស្ថិតភូមិបន្ទាយទីមួយ ឃុំទួលពង្រ ស្រុកម៉ាឡៃ ។
តំណាងបានបញ្ជាក់ថា ដីណុចដែលពួកគាត់ការពារនេះជាដីដែលត្រូវបានអាជ្ញាធរភូមិ-ឃុំបែងចែកក្រោយពេលសមាហរណកម្មខ្មែរក្រហមព្រោះពួកគាត់ភាគច្រើនជាប្រជាពលរដ្ឋអតីតទ័ពខ្មែរក្រហមដីនេះបែកចែកជាដីព្រៃ និងមានមីនបាននាំគ្នាកាប់ឆ្កាព្រៃដោះមីនដោយខ្លួនឯង ឬជួលគេឱ្យដោះរហូតធ្វើអាស្រ័យផលសម្រាប់ជីវភាពគ្រួសារ ។
តែមុន និងក្រោយថ្ងៃបុណ្យចូលឆ្នាំថ្មី២០១៨លិចឮថា ដីចំណុចនេះមានហាងឆេង និងមានតំលៃខ្លះស្រាប់តែក្រោយថ្ងៃបុណ្យចូលឆ្នាំមិនទាន់ទាំងចប់ផងទៅមើលដីឃើញមានបង្គោលបាញ់ថ្នាំទើបបងប្អូនប្រជាពលរដ្ឋ២១គ្រួសារបាននាំកូនចៅមានកាំបិត ពូថៅ ដំបង គ្រប់ដៃទៅដេកទាំងយប់ និងថ្ងៃឃ្លាំមើលក្រុមឆ្លៀតឱកាសធ្វើអាណាធិបតេយ្យលួចបោះបង្គោលលើដីរបស់ជាពលរដ្ឋដែលគេអាស្រ័យផលរាល់ឆ្នាំហើយ ៕
ចែករំលែកព័តមាននេះ