ខេត្តកណ្ដាល ៖ យុវជនម្នាក់ត្រូវនគរបាលស្រុកមុខកំពូលចាប់ខ្លួន បន្ទាប់ពីមានបណ្ដឹងពីនារីម្នាក់ប្ដឹងថា ជនសង្ស័យបានចាប់រំលោភនាងពេលកំពុងងូតទឹកពាង ហេតុការណ៍នេះកើតឡើងកាលពីម៉ោង៦និង0៩នាទីល្ងាច ថ្ងៃទី២២ ខែមេសា នៅចំណុចក្បែរពាងទឹក ស្ថិតក្នុងស្រុកមុខកំពូល ។
មន្ត្រីនគរបាលស្រុកបានឱ្យដឹងថា ជនសង្ស័យាខាងលើឈ្មោះ ហន ហាន ភេទប្រុស អាយុ២៧ឆ្នាំ មុខរបរកម្មករសំណង់ នៅភូមិពាម ឃុំរកាកោង១ ស្រុកមុខកំពូល ចំណែកនារីរងគ្រោះអាយុ18ឆ្នាំ ។
នគរបាលបានឱ្យដឹងបន្ថែមថា មុនកើតហេតុល្ងាចថ្ងៃទី២១នោះ នារីរងគ្រោះចងពុងសារុងកៅស៊ូមុជទឹកពាងនៅមុខផ្ទះដូនជីរបស់នាងក្នុងវត្តមួយ បន្ទាប់មកជនរងគ្រោះក៏អង្គុយដុសធ្មេញ ស្រាប់តែជនសង្ស័យបានយកសំពត់ងូតរបស់ព្រះសង្ឃបត់ជាបួនមកគ្របលើក្បាល ហើយយកដៃខ្ទប់មាត់នឹងរឹត.កក្នុងបំណងចាប់រំលោភ ប៉ុន្តែជនរងគ្រោះបានវ៉ៃពាងទឹក និងរើបំរះដួលលើភក់កកឹតក្បាលជង្គង់ស្តាំទៅលើថ្មធ្វើឱ្យមានស្នាមរូស2កន្លែង ស្នាមរបួសមេជើងស្តាំ1កន្លែង និងហើមបបូរមាត់ស្តាំ។ ពេលនោះជីដូនជនរងគ្រោះឃើញជនសង្ស័យកំពុងបីជនរងគ្រោះ គាត់ក៏ស្រែកឆោឡោថា «ចោរៗៗ» ស្រាប់ជនសង្ស័យទំលាក់ជនរងគ្រោះចុះ ហើយរត់បាត់តែម្តង។
ក្រោយពីកើតហេតុរួចជនរងគ្រោះ និងជីដូននាំគ្នាទៅផ្ទះលោកមេឃុំ ដើម្បីប្តឹង តែលោកមេឃុំមិននៅក៏ផ្តាំប្រពន្ធមេឃុំថា «ព្រឹកស្អែកឱ្យលោកមេឃុំទៅជួបនៅវត្តកុំខាន»។ លុះព្រឹកឡើងម៉ោថ្ងៃទី២២ មេសានេះ លោកមេឃុំបានទៅកន្លែងកើតហេតុជួបជីដូន និងជនរងគ្រោះរួចរាយការណ៍ឱ្យលោកមេបប៉ុស្តិ៍។
ក្រោយបានទទួលព័ត៌មានរួចនៅម៉ោង8និង30នាទីព្រឹកថ្ងៃដដែល សមត្ថកិច្ចប៉ុស្តិ៍ទៅនាំខ្លួនជនសង្ស័យមកសាកសួរ ហើយជនសង្ស័យសារភាពថា ខ្លួនពិតជាបានចាប់ជនរងគ្រោះប៉ុនប៉ងរំលោភពិតប្រាកដមែន។ ខណៈពេលនេះនគរបាលស្រុកសហការជាមួយប៉ុស្តិ៍បានកសាងសំណុំរឿងបន្តចាត់ការតាមនីតិវិធី៕
ចែករំលែកព័តមាននេះ