អ្នកស្រាវជ្រាវបាននិយាយថា ពួកគេមិនទាន់បានរកឃើញនៅឡើយពីហេតុផលផ្សេងនៃការចូលចិត្តកាហ្វេនោះទេ ។ ការស្រាវជ្រាវថ្មីបានបង្ហាញថា អ្នកដែលផឹកកាហ្វេយ៉ាងហោចណាស់មួយពែងក្នុងមួយថ្ងៃ មានការថយចុះហានិភ័យនៃជំងឺមហារីកថ្លើម បើធៀបទៅនឹងអ្នកដែលផឹកម្តងម្កាល ។ នៅពេលដែលការស្រាវជ្រាវបានចាប់ផ្តើមនៅក្នុងឆ្នាំ១៩៩០, អ្នកស្រាវជ្រាវបានសួរទៅលើមនុស្សពេញវ័យជិត១៨០.០០០នាក់…
អ្នកស្រាវជ្រាវបាននិយាយថា ពួកគេមិនទាន់បានរកឃើញនៅឡើយពីហេតុផលផ្សេងនៃការចូលចិត្តកាហ្វេនោះទេ ។ ការស្រាវជ្រាវថ្មីបានបង្ហាញថា អ្នកដែលផឹកកាហ្វេយ៉ាងហោចណាស់មួយពែងក្នុងមួយថ្ងៃ មានការថយចុះហានិភ័យនៃជំងឺមហារីកថ្លើម បើធៀបទៅនឹងអ្នកដែលផឹកម្តងម្កាល ។
នៅពេលដែលការស្រាវជ្រាវបានចាប់ផ្តើមនៅក្នុងឆ្នាំ១៩៩០, អ្នកស្រាវជ្រាវបានសួរទៅលើមនុស្សពេញវ័យជិត១៨០.០០០នាក់ ដែលមានសញ្ជាតិ និងពូជសាសន៍ ខុសៗគ្នា អំពីការផឹកកាហ្វេ និងទម្លាប់នៃការរស់នៅដទៃទៀត ។
អ្នកចូលរួមត្រូវបានគេតាមដានអស់រយៈពេល១៨ឆ្នាំ,ហើយអ្នកស្រាវជ្រាវបានពិនិត្យមើលថា តើមានអ្នកចូលរួមប៉ុន្មាននាក់មហារីកថ្លើម (hepatocellular carcinoma)។ រហូតមកដល់ពេលនេះ, អ្នកចូលរួម៤៩៨នាក់ ត្រូវបានគេធ្វើរោគវិនិច្ឆ័យឃើញថា មានជំងឺមហារីកថ្លើម ។
អ្នកដែលបាននិយាយថា ពួកគេបានផឹកកាហ្វេពីមួយពែងទៅបីពែងក្នុងមួយថ្ងៃមានការថយចុះហានិភ័យនៃការ កើតមហារីកថ្លើម ២៩% បើធៀបទៅនឹងអ្នកដែលផឹកតិចជាង៦ពែងក្នុងមួយសប្តាហ៍ ។ ផឹកកាន់តែច្រើនហាក់ដូចជាកាន់តែល្អ៖ អ្នកដែលផឹកកាហ្វេជាទៀងទាត់លើសពី៤ពែងក្នុងមួយថ្ងៃ មានការថយចុះហានិភ័យនៃមហារីកថ្លើម៤២% បើយោងទៅតាមការសិក្សានេះ ។
យោងទៅតាមសមាគមសិក្សាពីមហារីករបស់សហរដ្ឋអាមេរិក បុរសម្នាក់ក្នុងចំណោមបុរស៨១នាក់ និងស្ត្រីម្នាក់ក្នុងចំណោមស្ត្រី១៩៦នាក់ នឹងមានជំងឺមហារីកថ្លើមក្នុងជីវិតរបស់ពួកគេ ។ ការថយចុះហានិភ័យ២៩%បានបន្ថយ ឱកាសនៃការធ្វើរោគវិនិច្ឆ័យទៅត្រឹមបុរសម្នាក់ក្នុងចំណោមបុរស១០៤នាក់ និងស្ត្រីម្នាក់ក្នុងចំណោមស្ត្រី២៥៣នាក់ ។
លើសពីនេះការថយចុះទាំងនោះគឺនៅតែមាន ក្រោយពីអ្នកស្រាវជ្រាវបានមើលលើកត្តាដទៃទៀត ដែលបង្កើនហានិភ័យនៃជំងឺមហារីកថ្លើមដូចជា អាយុ, ភាពធាត់, ការជក់បារី, ការផឹកស្រា, ភេទ និងជំងឺទឹកនោមផ្អែម ។
ការចេញផ្សាយកាលពីឆ្នាំទៅនៅលើកាសែត Clinical Gastroenterology and Hepatology, ដែលបានបូកបញ្ចូលគ្នានៃលទ្ធផលលើការស្រាវជ្រាវផ្សេងគ្នា១៦ដែលពាក់ព័ន្ធអ្នកជំងឺជាង៣.២០០នាក់ បានសរុបថា ការផឹកកាហ្វេលើសពី៣ពែងក្នុងមួយថ្ងៃ អាចកាត់បន្ថយហានិភ័យនៃជំងឺមហារីកថ្លើមដល់ទៅ៥០% ។ អ្នកឯកទេសម្នាក់បានបានស្ងើចសរសើរពីការស្រាវជ្រាវ ថ្មីៗបំផុត ។
ស៊ូសាន ហ្គេបស្តឺ(Susan Gapstur) បាននិយាយថា នេះពិតជាការស្រាវជ្រាវដ៏ល្អ ។ វាបានបន្ថែមភស្តុតាងកាន់តែច្រើនថា កាហ្វេអាចមានការទាក់ទងទៅនឹងការបន្ថយហានិភ័យនៃជំងឺមហារីកជាច្រើន ។
លើសពីជំងឺមហារីកថ្លើម, ការស្រាវជ្រាវបានបង្ហាញថា កាហ្វេអាចជាប់ទាក់ទងទៅនឹងការថយចុះហានិភ័យនៃជំងឺមហារីកក្បាល និងក, ជំងឺមហារីកពោះវៀនធំ-រន្ធគូទ, ជំងឺមហារីកក្រពេញប្រូស្តាត, ជំងឺមហារីកប្លោកនោម, ជំងឺ មហារីកស្បូន, ជំងឺមហារីកបំពង់អាហារ និងជំងឺមហារីកលំពែង ។
វី វែនឌី ស៊ីធីវាន (V. Wendy Setiawan) ដែលមកពី USC Norris Comprehensive Cancer Center បាននិយាយថា នេះជាអ្វីដែលអ្នកគ្រប់គ្រាន់ចង់ដឹង ។
Setiawan បាននិយាយថា កាហ្វេមានសមាសធាតុផ្សំ សកម្មៗជិត១០០មុខ ដែលរួមមានសារធាតុប្រឆាំងនឹងអុកស៊ីតកម្ម, polyphenols និងកាហ្វេអ៊ីន ។ វាក៏ត្រូវបានគេដឹងថាវាប៉ះពាល់លើអង់ស៊ីមរបស់ថ្លើម ។
គាត់បានបន្តថា នៅពេលនេះ, ខ្ញុំមិនគិតថា អ្នកគ្រប់គ្នាមានគំនិតថា តើសមាសធាតុអ្វីដែលការពារនោះទេ ៕
ស្រង់ពីគេហទំព័រសុខភាព
ចែករំលែកព័តមាននេះ