ខេត្តមណ្ឌលគិរី ៖ រថយន្តកែច្នៃសម្រាប់ដឹកឈើបានបុកគ្នាពេញទំហឹងជាមួយម៉ូតូមួយគ្រឿងជិះគ្នាបីនាក់បណ្តាលមានរបួសធ្ងន់ដែលហេតុការណ៏នេះបានកើតឡើងនៅវេលា០៤និង២៥នាទីល្ងាច ថ្ងៃទី២០ ខែមេសា ឆ្នាំ២០១៨ ។ គ្រោះថ្នាក់ចរាចរណ៍ខាងលើបានកើតនៅចំណុចមុខក្លោងទ្វារវត្ត ស្រែអំពូម ភូមិពូរ៉ាដែត…
ខេត្តមណ្ឌលគិរី ៖ រថយន្តកែច្នៃសម្រាប់ដឹកឈើបានបុកគ្នាពេញទំហឹងជាមួយម៉ូតូមួយគ្រឿងជិះគ្នាបីនាក់បណ្តាលមានរបួសធ្ងន់ដែលហេតុការណ៏នេះបានកើតឡើងនៅវេលា០៤និង២៥នាទីល្ងាច ថ្ងៃទី២០ ខែមេសា ឆ្នាំ២០១៨ ។
គ្រោះថ្នាក់ចរាចរណ៍ខាងលើបានកើតនៅចំណុចមុខក្លោងទ្វារវត្ត ស្រែអំពូម ភូមិពូរ៉ាដែត ឃុំស្រអំពូម រវាងរថយន្ត ម៉ាក់ឡងគ្រីស័ ពណ៌ប្រផេះ ផ្លាកលេខគ្មាន និងម៉ូតូម៉ាក់ស្មាស់ ពណ៌ក្រហម ផ្លាកលេខ ១T-៤២៥០ ។
ប្រភពបានបន្តថា រថយន្តបើកបរដោយឈ្មោះ គង់ រិទ្ធី ភេទប្រុស អាយុ២៩ឆ្នាំ រស់នៅភូមិដើមស្រល់ សង្កាត់សុខដុម ក្រុងសែនមនោរម្យ ខេត្តមណ្ឌលគិរី ។ ចំណែកអ្នកបើកបរម៉ូតូឈ្មោះ មាស សាម៉ន ភេទស្រី អាយុ៣៩ឆ្នាំ រស់នៅភូមិពូរ៉ាដែត ឃុំស្រែអំពូម ស្រុកពេជ្រាដា របួសធ្ងន់បាក់ភ្លៅខាងឆ្វេង ។
អ្នករួមដំណើរមានពីរនាក់ទី១-ឈ្មោះ អ៊ឹម វណ្ណេត ភេទស្រី អាយុ៤៩ឆ្នាំ របួសធ្ងន់បាក់ភ្លៅខាងស្ដាំ និងទី២-ឈ្មោះ លីម ចាន់សុម៉ាលី ភេទស្រី អាយុ៣ឆ្នាំ របួសធ្ងន់ត្រូវក្បាល រស់នៅភូមិឃុំជាមួយគ្នាជនរងគ្រោះទាំងបីនាក់បានបញ្ចូនទៅមន្ទីរពេទ្យបង្អែកខេត្តមណ្ឌលគិរី ។ បច្ចុប្បន្នភាគីទាំងសងខាងកំពុងរងចាំធ្វើការដោះស្រាយទៅតាមផ្លូវច្បាប់ ៕
ចែករំលែកព័តមាននេះ