ខេត្តកណ្ដាល ៖ មានការភ្ញាក់ផ្អើលនាព្រឹកថ្ងៃទី២០ មេសា ២០១៨នេះ ដោយមានករណីកុមារអាយុជាង១ឆ្នាំ បានលង់ទឹកពាងស្លាប់ ស្ថិតក្នុងភូមិកណ្ដាលកោះ ឃុំកោះអន្លង់ចិន ស្រុកស្អាង…
ខេត្តកណ្ដាល ៖ មានការភ្ញាក់ផ្អើលនាព្រឹកថ្ងៃទី២០ មេសា ២០១៨នេះ ដោយមានករណីកុមារអាយុជាង១ឆ្នាំ បានលង់ទឹកពាងស្លាប់ ស្ថិតក្នុងភូមិកណ្ដាលកោះ ឃុំកោះអន្លង់ចិន ស្រុកស្អាង ខេត្តកណ្ដាល។ កុមាររងគ្រោះឈ្មោះ ឆាលី ឧត្តម ភេទប្រុស អាយុ០១ឆ្នាំ០២ខែ ឪពុកឈ្មោះ អាត ឆាលី អាយុ២៥ ឆ្នាំមុខរបរកសិករ ម្ដាយឈ្មោះ វ៉ា ស្រីណេ អាយុ២៣ឆ្នាំ មុខរបរកសិករ មានទីលំនៅភូមិឃុំកើតហេតុខាងលើ។ តាមសម្តីជីដូនកុមាររងគ្រោះបានរៀរាប់ប្រាប់សមត្តកិច្ចថា សភាពនៃរឿងហេតុ កាលពីព្រឹកថ្ងៃទី២០ មេសា ម្ដាយឪពុកចៅប្រុសនោះបានចេញ ទៅធ្វើការរកស៊ីយកប្រាក់មកចិញ្ចឹមជីវិត ដោយទុកកូនឲ្យជីដូនមើល។
ពេលឪពុកម្តាយគេចេញទៅផុត ចៅប្រុសបានរត់លេងជាមួយក្មេងៗជិតខាងគ្នានៅមុខផ្ទះ ដែលមានពាងទឹកបួនប្រាំនៅទីនោះផងដែរ។ ចំណែកគាត់ជីដូនជាប់រវល់ចងបន្លែទុកសម្រាប់លក់នៅក្រោមផ្ទះភ្លេចមើលចៅ។ លុះម៉ោង ០៩ និង១៥នាទីព្រឹក ទើបរកចៅបញ្ចុកបាយ និងឲ្យដេកដូចសព្វមួយដង ពេលនោះក៏ដើររកចៅមិនឃើញ ហើយបានដើរអើតមើលតាមពាងទឹក ស្រាប់តែឃើញចៅ ឧត្តម ឈ្លក់ទឹកពាងលង់ស្លាប់បាត់ទៅហើយ។ បន្ទាប់មកសមត្ថកិច្ចបានចុះទៅពិនិត្យ ឃើញថា កុមារាឧត្តម ពិតជាលង់ទឹកពាងស្លាប់មែន ហើយបានប្រគល់ឲ្យឪពុកម្តាយ និងក្រុមគ្រួសារធ្វើបុណ្យតាមប្រពៃណ៕
ចែករំលែកព័តមាននេះ