រាជធានីភ្នំពេញ ៖ តារាជាច្រើនបានចូលរួមសម្តែងនៅអង្គរសង្ក្រាន្តរយៈពេល៣ថ្ងៃ ប៉ុន្តែសម្រាប់តារាសម្តែងកញ្ញាទឹម រដ្ឋា មិនបានចូលរួមទេ ។ ជាតារាសម្តែង និងបង្ហាញម៉ូដក្នុងក្រុមបង្ហាញម៉ូដCambodia super…
រាជធានីភ្នំពេញ ៖ តារាជាច្រើនបានចូលរួមសម្តែងនៅអង្គរសង្ក្រាន្តរយៈពេល៣ថ្ងៃ ប៉ុន្តែសម្រាប់តារាសម្តែងកញ្ញាទឹម រដ្ឋា មិនបានចូលរួមទេ ។
ជាតារាសម្តែង និងបង្ហាញម៉ូដក្នុងក្រុមបង្ហាញម៉ូដCambodia super Model ទឹម រដ្ឋា បាត់មុខសម្តែងនាឱកាសនោះ ក្នុងពេលដែលសមាជិកទាំងអស់បានចូលរួម ។
ការបាត់មុខនោះនាំឲ្យមហាជនសង្ស័យថា ទឹម រដ្ឋា មានទំនាស់នៅក្នុងក្រុមរបស់ខ្លួន ឬមួយអាចចាកចេញពីក្រុម ។
ទឹម រដ្ឋា បញ្ជាក់ថា មានមូលហេតុដ៏សំខាន់មួយដែលនាងសម្រេចចិត្តមិនទៅចូលរួមសម្តែងនៅក្នុងព្រឹត្តការណ៍អង្គរសង្ក្រាន្តនាឆ្នាំនេះ ។ «ជារៀងរាល់ពេលបុណ្យចូលឆ្នាំប្រពៃណីជាតិរយៈពេល៣ថ្ងៃ មានគេសួរនាងខ្ញុំច្រើនណាស់នូវពាក្យ ដដែលៗថា ហេតុអីអត់ឃើញខ្ញុំទៅចូលរួមមហាសង្ក្រាន្តសម្ដែងរាំច្រៀងនៅខេត្តសៀមរាបនឹងគេ ។
មូលហេតុដែលនាងខ្ញុំសម្រេចមិនចូលរួម ព្រោះនាងខ្ញុំចង់ចំណាយពេលវេលា៣ថ្ងៃដ៏សែនពិសេសមួយនេះនៅជាមួយគ្រួសារដ៏សែនកក់ក្ដៅរបស់នាងខ្ញុំ ដូចទៅនឹងបងប្អូនទាំងអស់គ្នាដែរ ។
ពេលវេលាធម្មតាយើងរវល់ធ្វើការរកស៊ី រៀងៗខ្លួន ហើយក៏មិនមានពេលបានផ្ដល់ឲ្យគ្នាជាញឹកញាប់ទេ អុីចឹងឱកាសនេះជាឱកាសដ៏ល្អដែលយើងបានជួបជុំគ្នាដែលមិនអាចខ្វះបាន» ។
ទឹម រដ្ឋា បានថ្លែងសុំទោសដល់បណ្ដាក្រុមការងាទាំងអស់ដែលតែងតែទាក់ទងនាង ហើយនាងមិនបានទទួល ៕
ចែករំលែកព័តមាននេះ