ខេត្តកោះកុង ៖ យុវជនម្នាក់ត្រូវបានសមត្ថកិច្ចប៉ូលិសនាំខ្លួនមកបង្ហាញឲ្យមហាជនបានឃើញដោយធ្វើសកម្មភាពអូសរទេះដឹកក្របីងាប់មួយក្បាលនៅជុំវិញផ្សារដងទង់ទីរួមខេត្តកោះកុង ដែលយុវជនរូបនេះបានលួចរៀបនឹងពន្លះយកសាច់ ហើយត្រូវសមត្ថកិច្ចចាប់ខ្លួនបានកាលពីវេលាម៉ោង៧និង៤០នាទីព្រឹកថ្ងៃទី២០ ខែមេសា ឆ្នាំ២០១៨ ព្រឹកមិញនេះ ។
យុវជនជាប់ចោទលួចក្របីខាងលើឈ្មោះ ហង្ស វិជ្ជរ៉ា អាយុ២៩ឆ្នាំ មានមុខរបរជាងបិតស្កុតម៉ូតូ ស្នាក់នៅផ្ទះជួល ក្នុងភូមិ១ សង្កាត់ដងទង់ ក្រុងខេមរៈភូមិន្ទ មានស្រុកកំណើតនៅភូមិតាព្រាម ឃុំតានី ស្រុកអង្គរជ័យខេត្តកំពត ។
សមត្ថកិច្ចបានបញ្ជាក់ថា ក្រោយពីបានទទួលពាក្យបណ្តឹងរបស់ប្រជាពលរដ្ឋម្នាក់ ឈ្មោះស៊ីម កូលាប ភេទស្រី អាយុ៥០ឆ្នាំថា បានបាត់ក្របីមួយក្បាលព្រឹកមិញ សមត្ថកិច្ចក៏បានចាត់កម្លាំងតាមស្វែងរកក៏ប្រទះឃើញ យុវជនខាងលើអូសរ៉ឺម៉កដឹកក្របីចូលព្រៃ ចម្ងាយពីផ្លូវជាតិលេខ៤៨ ប្រហែល១០០ម៉ែត្រ ស្ថិតក្នុងភូមិ១ សង្កាត់ស្មាច់មានជ័យ បម្រុងយកទៅ ភ្លះយកសាច់ ហើយពេលសមត្ថកិច្ចតាមទាន់ក្រុមយុវជនលួចក្របីត្រូវសមត្ថកិច្ចឃាត់ខ្លួនបានម្នាក់ ហើយរត់គេចខ្លួនរួចម្នាក់ ដោយពេលនេះសមត្ថកិច្ចបានតាមរកបក្សពួកចោរលួចក្របីខាងលើបន្តផងដែរ ៕
ចែករំលែកព័តមាននេះ