រាជធានីភ្នំពេញ ៖ យុវជនជានិស្សិតសាលាកសិកម្មម្នាក់ស្លាប់ភ្លាមៗនៅកន្លែង ចំណែកម្នាក់ទៀតរងរបួសធ្ងន់បន្ទាប់ពីជិះម៉ូតូបុកគ្នាពេញទំហឹង ។ គ្រោះថ្នាក់នេះកាលពីវេលាម៉ោង៧និង១៥នាទីព្រឹក ថ្ងៃទី២០ ខែមេសា ឆ្នាំ២០១៨ ស្ថិតនៅតាមផ្លូវ៣០ម៉ែត្រ…
រាជធានីភ្នំពេញ ៖ យុវជនជានិស្សិតសាលាកសិកម្មម្នាក់ស្លាប់ភ្លាមៗនៅកន្លែង ចំណែកម្នាក់ទៀតរងរបួសធ្ងន់បន្ទាប់ពីជិះម៉ូតូបុកគ្នាពេញទំហឹង ។ គ្រោះថ្នាក់នេះកាលពីវេលាម៉ោង៧និង១៥នាទីព្រឹក ថ្ងៃទី២០ ខែមេសា ឆ្នាំ២០១៨ ស្ថិតនៅតាមផ្លូវ៣០ម៉ែត្រ ភូមិទ្រង់មាន់ សង្កាត់អូរបែកក្អម ខណ្ឌសែនសុខ ។
ជនរងគ្រោះស្លាប់នៅកន្លែងមានឈ្មោះ សៀង មករា អាយុ២៨ឆ្នាំ ជានិស្សិតសាលាកសិកម្មព្រែកលៀប ស្នាក់នៅភូមិស្លែងរលើង សង្កាត់អូបែកក្អម ខណ្ឌសែនសុខ មានស្រុកកំណើតនៅភូមិទី១ ឃុំរកាខ្នុរ ស្រុកក្រូចឆ្មារ ខេត្តត្បូងឃ្មុំ ជិះម៉ូតូមួយគ្រឿងម៉ាកហុងដា សេ១២៥ ស៊េរី២០១៣ ពណ៌ខ្មៅ ពាក់ស្លាកលេខ កំពង់ចាម 1J-5893 ។
ចំណែកជនរងគ្រោះជាភាគីម្ខាងទៀតរងរបួសធ្ងន់ មិនត្រូវបានស្គាល់ឈ្មោះ ជិះម៉ូតូមួយគ្រឿងម៉ាកហុងដា សេ១២៥ ស៊េរី២០១១ ឡើងតែម២០១៥ ពណ៌ខ្មៅ ពាក់ស្លាកលេខ ភ្នំពេញ AV-5693 ។
តាមប្រភពនៅកន្លែងកើតហេតុបានឲ្យដឹងថា មុនកើតហេតុជនរងគ្រោះជិះម៉ូតូស៊េរី២០១៣ បើកឆ្លងផ្លូវពីជើងទៅត្បូងស្របពេលនោះត្រូវបានជនរងគ្រោះភាគីម៉ូតូស៊េរី២០១១ បើកល្បឿនលឿនពីត្បូងទៅជើងក៏ជ្រុលទៅបុកពីទទឹង បណ្តាលឲ្យភាគីម៉ូតូស៊េរី២០១៣ ដួលបោកដេកដួលស្លាប់ភ្លាមៗនៅកន្លែង ចំណែកភាគីម្ខាងទៀតរងរបួសធ្ងន់ ។
ក្រោយកើតហេតុ សមត្ថកិច្ចចុះទៅដល់កន្លែងកើតហេតុ ជនរងគ្រោះម្នាក់ត្រូវបានរថយន្តគ្លីនិកដឹកយកទៅសង្គ្រោះ ចំណែកសពម្នាក់ត្រូវបានសមត្ថកិច្ចពិនិត្យ រួចប្រគល់ជូនក្រុមគ្រួសារដឹកយកទៅធ្វើបុណ្យតាមប្រពៃណីឯស្រុកកំណើត ។
ដោយឡែកវត្ថុតាង ម៉ូតូទាំង២គ្រឿង នគរបាលជំនាញវាស់វែងរួចយកទៅរក្សាទុកនៅការិយាល័យចរាចរណ៍ជើងគោក ក្រុងភ្នំពេញ រង់ចាំដោះស្រាយពេលក្រោយ ៕
ចែករំលែកព័តមាននេះ