ខេត្តស្វាយរៀង ៖ បុរសជនជាតិវៀតណាម្នាក់ ត្រូវសមត្ថកិច្ចនគរបាលប៉ុស្តិ៍រដ្ឋបាលច្រកម្ទេសឃាត់ខ្លួន តាមពាក្យបណ្តឹងរបស់ប្រជាពលរដ្ឋ ដែលបានចាញ់បោករឿងលក់គោ-ក្របី បែរជាលុយសុទ្ធតែក្លែង ក្លាយ ។ ហេតុការណ៍ឃាត់ខ្លួន…
ខេត្តស្វាយរៀង ៖ បុរសជនជាតិវៀតណាម្នាក់ ត្រូវសមត្ថកិច្ចនគរបាលប៉ុស្តិ៍រដ្ឋបាលច្រកម្ទេសឃាត់ខ្លួន តាមពាក្យបណ្តឹងរបស់ប្រជាពលរដ្ឋ ដែលបានចាញ់បោករឿងលក់គោ-ក្របី បែរជាលុយសុទ្ធតែក្លែង
ក្លាយ ។ ហេតុការណ៍ឃាត់ខ្លួន ធ្វើឡើងកាលពីវេលាម៉ោង០៩ និង២៥នាទីព្រឹកថ្ងៃទី១៩ មេសា ស្ថិតនៅក្នុង ភូមិវាលសង្កាត់ ច្រកម្ទេស ក្រុង បាវិត ខេត្តស្វាយរៀង បញ្ជូនទៅកាន់ប៉ុស្ដិ៍រដ្ឋបាលសង្កាត់ច្រកម្ទេស ។
សមត្ថកិច្ចបានឱ្យដឹងថា ក្រោយពីទទួលព័ត៌មានពីម្ចាស់ក្របីមាន ១-ឈ្មោះ ស្រី ស៊ន់ ភេទប្រុស អាយុ៥២ ឆ្នាំ ( ម្ចាស់គោ ) ២-ឈ្មោះ ស្រី វៀន ភេទប្រុស អាយុ៦៥ឆ្នាំ (ម្ចាស់ក្របី) ៣-ឈ្មោះ ចាន់ សារឿន ភេទស្រី អាយុ៦៣ឆ្នាំ (ម្ចាស់ក្របី ) អ្នកទាំង៣ មានទីលំនៅក្នុងភូមិវាល សង្កាត់ច្រកម្ទេស ក្រុងបាវិត ខេត្តស្វាយ រៀង ។ ដោយឡែកជនសង្ស័យឈ្មោះ លី ង្វៀងខាង ភេទប្រុស អាយុ៥២ឆ្នាំ ជាជនជាតិវៀតណាម មានទីលំនៅក្នុងភូមិឡុងហ៊ឹង ឃុំឡុងធឹង ស្រុកប៊េនកូវ ខេត្តតៃនិញ ប្រទេសវៀតណាម ដោយលក់ក្នុងតម្លៃសរុប ២៣០០ដុល្លារ (ពីរពាន់បីរយដុល្លារ) ហើយនៅពេលប្រគល់លុយឱ្យ ពួកគាត់អត់ស្គាល់ថា ជាលុយសុទ្ធ ឬលុយក្លែងក្លាយនោះទេ ។
លុះដល់ថ្ងៃទី១៩ មេសា ២០១៨ បានយកលុយដុល្លារ ទៅរកទិញអីវ៉ាន់ទើបដឹងថា គឺសុទ្ធតែលុយដុល្លារក្លែងក្លាយទាំងអស់ ក៏បាននាំគ្នាមកដាក់ពាក្យបណ្តឹងតែម្តង ។ ក្រោយទទួលព័ត៌មាន សមត្ថកិច្ចចុះទៅដល់កន្លែងកើតហេតុ ធ្វើការស្រាវជ្រាវហើយពិនិត្យឃើញថា ប្រាក់ចំនួន២០០០ដុល្លារ គឺសុទ្ធជាប្រាក់ក្លែងក្លាយទាំងអស់ ។ ក្រោយមក ម្ចាស់ក្របីក៏បានទូរសព្ឌ័ទាក់ទងទៅជនសង្ស័យឱ្យឡើងមកយកក្របីមួយក្បាលទៀត ។ នៅពេលជនសង្ស័យមកដល់ដូចតាមការណាត់តាមទូរស័ព្ទនោះ ក៏ត្រូវបានសមត្ថកិច្ចយើងនាំខ្លួនមកធ្វើការសាកសួ នៅប៉ុស្តិិរដ្ឋបាលសង្កាត់ច្រកម្ទេសដើម្បីសាកសួរតែម្តង ។
ព័ត៌មានលម្អិតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ